Yohanes 17:5 - Kaili Ledo

⁵ Tata, hitupa dekeimo kuasa bo kaoge ka Yaku ri situ nte Komiu, haitumo kuasa bo kaoge anu naria nte Yaku tempo Yaku nosanggani-nggani nte Komiu dopame dunia nipajadi.”

Yohanes 17:5 Iomraidhean Croise

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 10:30

Yaku bo TuamaKu ledo ria posisalana, aga saito.”

Yohanes 14:9

Nesanamo i Yesus, “Ai, Filipus! Nasaemo Yaku nosanggani-nggani ante komiu. Dopa nisanimu isema Yaku? Isema-sema nanggita Yaku, nikitana munimo TuamaKu. Jadi berimba sampe niulimu ivesia, ‘Popakita ka kami TuamaMiu’?

Yohanes 17:1

Naupu i Yesus notesa ivesia, nitingoaNamo langi bo niuliNa ivei: “Tata, nakavamo tempona! Popaisanimo kuasa bo kaogeKu ka tona ala Yaku, AnaMiu, mamala mompopaisani kuasa bo kaogeMiu.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 3:13

Dopa ria saitoa tona neore hau ri suruga nanggita anu najadi hamai. Aga Yaku, Ana nu Manusia anu nanau lako ri suruga tumai ri dunia nanggitana.

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Filipi 2:6

Nau Ia nasimbayu nte Alatala, ledo nirasaiNa Ia kana mantaamaka kakuasaNa bo nturoNa nalanga haitu.

Ibrani 1:10

Bo Alatala nanguli muni ka AnaNa ivei: “Pue, Iko nompajadi dunia ri ulu jadina, Bo langi muni asele mpaleMu.

Ibrani 1:3

AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

1 Yohanes 1:2

Tempo Ia naria ri dunia, nikita kami Ia. Bo sii-sii kami nompasimbayu ka komiu anu nikita kami. Kami nosabiki Iamo anu nombadekei katuvua nabelo sampe ri kasae-saena. Ri lamba pamulana Ia naria nosanggani-nggani ante Tuamata Alatala bo Ia natuvu ri dunia hitu nte kami.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.

Pompakita 3:21

Isema-sema padagi, ia Kupaloga monturo moparenta mosanggani nte Yaku ri Gadera KamagauaKu, nasimbayu mpo Yaku muni najadi padagi bo sii-sii nonturo bo noparenta nosanggani-nggani nte TuamaKu ri GaderaNa.