Yohanes 17:3 - Kaili Ledo

³ Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 17:3 Iomraidhean Croise

Markus 9:37

<>

Lukas 9:48

bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”

Yohanes 10:36

nemopa Yaku! Apa Yakumo hii nipelisi nu Alatala bo nituduNa tumai ri dunia! Jadi nakuya niulikamiu Yaku nompandaente Alatala sabana niuliKu Yakumo hii Ana nu Alatala?

Yohanes 11:42

NisaniKu Komiu bate-batena nangepe posambayaKu, tapi niuliKu ivesia ala raepe ntona ri sii ala raparasayara Komiumo nombatudu Yaku tumai ri dunia.”

Yohanes 14:26

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Yohanes 17:18

NituduKu ira hau nte tona ntanina riara dunia hitu, nasimbayu mpo Yaku nituduMiu tumai ri dunia.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 17:23

Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Yohanes 17:25

O, Tata, Komiu nanoa! Manusia ri dunia hitu ledo nosisani nte Komiu, tapi Yaku nosisani nte Komiu. Bo anaguruKu hitu nisanira Komiu nantudu Yaku.

Yohanes 17:8

Apa nitesaKu ka ira puramo tesa niuliMiu ka Yaku, bo tesa-tesa haitu nitarimara puramo. Tata, nisanira Yaku mpuu-mpuu nakava lako nte Komiu, bo niparasayara Komiu nantudu Yaku.

Yohanes 3:17

Apa patuju nu Alatala nombatudu AnaNa makava ri dunia hitu, ledo ala mombahuku manusia tapi ala ira rapakasalamaNa.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Yohanes 5:44

Berimbamo komiu mamala momparasaya Yaku? Apa komiu aga madota rabila nu roa. Ledo nipasimbukumiu manggava pebila nu Alatala Saito-itoNa!

Yohanes 6:57

TuamaKu anu nantudu Yaku, Iamo puna katuvua nabelo, bo katuvuKu nopuna lako nte Ia. Ivesia muni tona anu mangande isi karoKu, katuvuna mopuna lako nte Yaku.

Yohanes 7:29

tapi Yaku nosisani ante Ia, sabana Yaku nakava lako nte Ia bo Iamo nantudu Yaku tumai.”

Yohanes 8:19

Bo nekutana vaimo ira, “Ri umba TuamaMu?” Nesana i Yesus, “Ledo nisanimiu mpuu Yaku. Bo ledo muni nisanimiu mpuu TuamaKu. Ane rapana nisanimiu mpuu Yaku, natantu rasanimiu mpuu TuamaKu.”

1 Korintus 15:34

Jadi pakanoto mpanjili pekirimiu bo tumo rapovia dosa! Da nariapa sanu komiu dopa nosisani belo nte Alatala. Niuliku ivesia ala maeya matamiu.

1 Korintus 8:4

Jadi ane motesa kandea nipakande ka tupu-tupu ntanina, nisanitamo pinoito nogambara anu ledo nakana. Bo nisanita muni Alatala aga saito, ledo ria ntanina.

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

Filipi 3:10

Naoge mpuu raraku mosisani ante i Kristus bo mombarasai kuasa anu nompakatuvu mpanjili Ia lako ri kamateNa. Bo yaku madota muni mombarasai susa bo pari nasimbayu mpo susa bo pari nirasaiNa, sampe bara yaku muni mamate masimbayu mpo Ia

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus

1 Tesalonika 1:9

Ira mboto notesa ka kami berimba komiu toTesalonika nantarima kami tempo kami nakava nte komiu bara ipia. Bo nitesara muni berimba komiu nenonto netupu nte viata-viata bo nompamula netupu nte Alatala anu natuvu bo nakana.

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

2 Petrus 1:2

Kuperapi Alatala bate-batena mombadekei katinonto bo belo ka komiu, sabana komiu nosisani belo ante Ia bo ante Tuputa Yesus.

2 Petrus 1:3

Alatala nompake barakaNa mboto mombadekei pura-pura niparaluuta ala rapakuleta matuvu mangoseaka dotaNa. Nitarimata pura-pura haitu sabana kita nosisani ante Alatala, anu nompokio kita mombarasai kaogeNa bo kabeloNa.

2 Petrus 1:8

Ane komiu noinggu ivehaitu bo mantambaipa, posisanimiu ante Tuputa Yesus Kristus mpuu-mpuu maria gunana, bo maria asele mabelo riara nggatuvumiu.

1 Yohanes 1:2

Tempo Ia naria ri dunia, nikita kami Ia. Bo sii-sii kami nompasimbayu ka komiu anu nikita kami. Kami nosabiki Iamo anu nombadekei katuvua nabelo sampe ri kasae-saena. Ri lamba pamulana Ia naria nosanggani-nggani ante Tuamata Alatala bo Ia natuvu ri dunia hitu nte kami.

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

1 Yohanes 2:23

Isema-sema nombasapu Ana nu Alatala, nisapuna muni TuamaNa Alatala. Tapi isema-sema nomparasaya Ana nu Alatala, nitarimana muni Alatala.

1 Yohanes 4:6

Tapi kita hitumo ana-ana nu Alatala, jadi isema-sema nosisani belo ante Alatala nompetalingai pepatudukita. Tapi isema-sema ledo nomparasaya i Yesus, ledo nipetalingaina pepatudukita. Jadi haitumo tandana ala rasanita isema nikeniaka Nosa Gasa lako nte Alatala anu nakana bo isema nikeniaka pekiri lako nte Magau nu Seta mpodava.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.