Yohanes 17:11 - Kaili Ledo

¹¹ Domo masae Yaku monturo ri dunia hitu. Yaku tou nte Komiu, tapi anaguruKu da monturo ri dunia hitu. O, Tata! Komiu nagasa! Jagaimo ira ante kuasaMiu, haitumo kuasa nidekeiMiu ka Yaku. Jagaimo ira ala ira mosangu rara nasimbayu mpo Yaku nosangu rara nte Komiu.

Yohanes 17:11 Iomraidhean Croise

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Matius 6:9

Jadi posambaya ivei: Alatala, Tuama kami ri suruga, Aga Komiu masipato rapetupu bo rapakaoge. Komiumo Magau kami.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 16:28

Yaku nakava lako nte TuamaKu tumai ri dunia hitu. Hitupa Kupalaisi dunia hitu bo manjili hau nte TuamaKu.”

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Yohanes 17:23

Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Yohanes 17:25

O, Tata, Komiu nanoa! Manusia ri dunia hitu ledo nosisani nte Komiu, tapi Yaku nosisani nte Komiu. Bo anaguruKu hitu nisanira Komiu nantudu Yaku.

Yohanes 17:6

“Tata, nipopaisaniKumo Komiu ka tona nidekeiMiu ka Yaku lako ri dunia hitu. Ira todeaMiu mami, bo ira nidekeiMiu muni ka Yaku. Nioseakaramo tesaMiu

Yohanes 7:33

Tempo haitu, i Yesus nanguli ka todea, “Sampalaipa Yaku mosanggani-nggani ante komiu pade hau manjili nte Ia anu nantudu Yaku.

Suro-Suro 3:21

I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.

Roma 12:5

Ivesia muni kita topomparasaya i Kristus. Nau kita nadea, kita najadi sangu riara i Kristus. Bo kita nosidai mpo sipa-sipa nu karo.

Roma 9:17

Riara Buku Gasa nitulisi tesa nu Alatala ka Firaun, Magau ri tana Mesir nggaulu, ivei: <>

1 Korintus 1:10

Sampesuvu-sampesuvu, ante kuasa nidekei nTuputa Yesus Kristus ka yaku, kuperapi nte komiu ala komiu mosangu rara. Nemo sampe magero sintuvumiu. Komiu kana masintuvu mosangu rara bo mosangu patuju.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Efesus 4:4

Pura-pura kita topomparasaya i Kristus najadi sangu karo i Kristus. Bo sangu Nosa Gasa nu Alatala anu naria riara ntaita pura-pura. Ivesia muni panjarumakata aga sangu, haitumo kita pura-pura nipokio nu Alatala matuvu mosanggani-nggani nte Ia sampe ri kasae-saena.

Filipi 2:9

Haitumo sabana Alatala nanganggataka Ia ri ponturo naogepa ri suruga bo nombadekei kuasa ka Ia anu naogepa pade pura-pura kuasa ntanina.

Ibrani 1:3

AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

Yakobus 4:4

Komiu nasimbayu mpo topobualo apa komiu ledo natutu nangoseaka Alatala. Ledo nisanimiu? Ane rapoinota anu nipodota ntona nadaa ri dunia hitu, kita majadi bali nu Alatala. Isema-sema mompoino anu nipoino ntona nadaa ri dunia hitu, ia nompajadi karona mboto bali nu Alatala.

1 Petrus 1:5

Sampesuvu-sampesuvu, komiu masipato mantarima belo haitu, sabana komiu nomparasaya i Yesus. Bo komiu batena nijagai nu Alatala ante kuasaNa ala komiu mamala mombarasai belo anu nasadiamo radekeiNa ka komiu ri kaupu nu dunia.

1 Yohanes 3:12

Nee kita mompasiala inggu i Kain nangoseaka dota Magau nu Seta bo nompatesi tueina mboto. Nuapa sabana i Kain nompatesi tueina mboto? Sabana pokainggu i Kain nadaa bo ia nasiriati nanggita pokainggu ntueina nanoa.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.

Yudas 1:24

Ratoiyatamo Alatala sabana Ia nakuasa nombajagai kita ala ledo rakabasakata pomparasayata. Ia nakuasa manggeni kita hau ri suruga mantingayo Ia riara kaogeNa, bo ledo maria salata, bo melabi kadamba rarata.

Pompakita 15:4

Pue, pura-pura manusia mekou nte Komiu. Pura-pura tona mombabila bo mombatoiya kaogeMiu, sabana aga Komiu mpuu-mpuu nagasa. Pue, pura-pura tona ri dunia makava mombasomba Komiu, sabana nisanira pura-pura pobotusiMiu nanoa.”

Pompakita 19:12

MataNa narega mpo vaya nu apu bo ri balenggaNa nadea songgo magau. Ri karoNa naria sanga nitulisi, tapi aga Ia mboto nangisani sanga haitu.

Pompakita 4:8

Anu Natuvu haitu simbo aono kapina, bo ri njumangu karora naria mata, nau ri tambe kapira muni. Eo bongi ira ledo nenonto nodade, “Nagasa, nagasa, nagasa Tupu Alatala Neliu KakuasaNa. Ia naria mamimo lako ri lamba pamulana, bo sii-sii Ia naria. Bo Ia batena maria sampe ri kasae-saena.”