Yohanes 16:8 - Kaili Ledo

⁸ Ane makava Topetulungi, Ia mompakalanto batuana dosa ka manusia ri dunia. Bo rapakalantoNa muni batuana anu nanoa, bo batuana pehuku nu Alatala.

Yohanes 16:8 Iomraidhean Croise

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 16:9

RapakalantoNa manusia nadosa sabana ledo niparasayara Yaku.

Yohanes 8:46

Coba popakita ka Yaku dosaKu! Nakana anu nitesaKu, jadi nakuya ledo niparasayamiu?

Yohanes 8:9

Nangepe tesa i Yesus haitu, nalai saito-saitomo ira lako ri sia, nompamula lako ri totua sampe tona namuda. Kaupuna nalai puramo, naboli damo i Yesus ante mombine pangane batena neangga ri belana.

Suro-Suro 2:37

Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”

1 Korintus 14:24

Tapi ane komiu pura-pura mompasimbayu tesa nitarimamiu lako nte Alatala bo tona ledo nomparasaya atau tona dopa nisanina Tesa nu Alatala mangepe tesamiu haitu, masilonto riara ntaina ia nadosa. Pura-pura pokaingguna rapakalanto lako ri tesa-tesa haitu.

Yudas 1:15

mombatangara pura-pura manusia. Ia mombahuku pura-pura topesapuaka sabana pesapuakara. Ia mombahuku topesapuaka nadosa haitu sabana tesa nadaa nisovadakara nanjalai Ia.”