Yohanes 16:7 - Kaili Ledo

⁷ Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 16:7 Iomraidhean Croise

Lukas 24:49

Pariaramo! Kupopanau ka komiu Nosa Gasa anu nijanji nTuamaKu Alatala. Jadi popeamiu ri sii ri ngata Yerusalem sampe kuasa nu Alatala manau nte komiu.”

Lukas 4:25

Tora anu najadi tempo Nabi Elia nggaulu. Talu-mpae santanga kasaena kapane nu eo, ledo ria uda, najadimo kaara mpai neliu gantana ri njumangata. Tempo haitu nadea timbala ri ngata ntoYahudi.

Lukas 9:27

Pariaramo! Naria bara sako-ndua komiu ri sii dopa mamate ane dopa rakitara Alatala moparenta mpo Magau.”

Yohanes 14:26

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Yohanes 14:28

Toramo anu niuliKu pangane, Yaku malai, tapi manjili vai tumai nte komiu. Ane mpuu-mpuu komiu mompotove Yaku, madamba mpuu raramiu sabana Yaku hau manjili nte TuamaKu, anu naogepa pade Yaku.

Yohanes 14:3

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Yohanes 15:26

Kutudu Topetulungi lako nte TuamaKu tumai nte komiu, haitumo Nosa Gasa nu Alatala anu mompopaisani anu nakana. Tempo makava Ia, Iamo mompopaisani Yaku ka komiu.

Yohanes 16:8

Ane makava Topetulungi, Ia mompakalanto batuana dosa ka manusia ri dunia. Bo rapakalantoNa muni batuana anu nanoa, bo batuana pehuku nu Alatala.

Yohanes 7:39

Uve nipatuju i Yesus, haitumo Nosa Gasa nu Alatala anu radekei ka tona nomparasaya Ia. Tempo haitu, Nosa Gasa dopa nidekei ka topomparasaya sabana i Yesus dopa neore hau ri suruga bo nipakaoge nu Alatala.

Suro-Suro 10:34

Naupu haitu i Petrus nanguli ka ira, “Sampesuvu-sampesuvu, hitupa nisanikumo Alatala ledo nompelenje nanggita manusia.

Suro-Suro 2:33

Ia nianggataka nu Alatala bo nipoponturo ri ponturo nibila ri sabingga nggana nu Alatala ri suruga. Bo nitarimaNa Nosa Gasa nijanji nTuamaNa, Alatala. Jadi sampesuvu-sampesuvu, pangane nikitamiu bo niepemiu kami notesa nte mpengaya basa. Haitu najadi sabana kuasa Nosa Gasa anu nipopanau i Yesus ka kami.

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.