Yohanes 16:2 - Kaili Ledo

² Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Yohanes 16:2 Iomraidhean Croise

Matius 10:28

Nee maeka nte tona madota mompatesi komiu. Ira mamala mompatesi karomiu tapi ledo ria kuasara mombanavusaka komiu ri narakaa. Aginapa komiu maeka nte Alatala sabana Iamo nakuasa mompatesi karomiu bo Ia muni nakuasa mombahuku komiu riara narakaa.

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Lukas 6:22

Nabelo mpuu komiu ane rapovuu mata ntona, rasuko ntona, rasalai ntona bo sangamiu rapakadaa ntona sabana komiu nangoseaka Yaku, Ana nu Manusia.

Yohanes 12:42

Naupa ivesia, nadea muni pakeni ntoYahudi nomparasaya i Yesus. Tapi ira aga nomparasaya nggalino sabana naeka ira nte toFarisi, nee-nee ira domo radekei metupu ri banua petupu.

Yohanes 16:25

“Tesa niuliKu ka komiu hitu aga nijalili. Tapi makava tempona domo Kujalili ka komiu, tapi Kutovontoomo motesaki TuamaKu ka komiu.

Yohanes 16:32

Pariaramo! Kana makava tempona, bo nakavamo tempo haitu, komiu mosimpogaa. Komiu simbo manjili hau ri banuamiu mboto mompalaisi Yaku saitoKu. Tapi Yaku ledo aga saitoKu sabana TuamaKu naria nosanggani-nggani ante Yaku.

Yohanes 4:21

Nesana i Yesus ka ia, “Ina, pariaramo tesaKu hitu. Kana makava tempona tona domo mombasomba Tuamata Alatala ri bulu hitu bo domo muni ri ngata Yerusalem.

Yohanes 4:23

Tapi makava tempona bara maipia, bo kakanana tempo haitu nariamo, tona anu mpuu-mpuu mombasomba Tuamata Alatala kana mombasomba Ia ante petulungi nu Nosa GasaNa nangoseaka pepatuduki nakana. Pesomba ivehaitu nipokono nu Alatala.

Yohanes 9:22

Tina tuamana nanguli ivesia sabana naekamo ira ka toFarisi. Apa toFarisi haitu nasintuvumo isema-sema mompangaku i Yesus Magau Topepakasalama anu nijanji nu Alatala, domo radekei metupu ri banua petupu.

Yohanes 9:34

Nesana ira, “Hih! Iko tu todosa mami lako ri pompoanaka! Ledo ntoto masipato iko mompatuduki kami!” Jadi nompamula lako ri eo haitu, domo nidekeira tona haitu metupu ri banua petupu.

Suro-Suro 5:33

Nangepe tesa-tesa nu suro-suro, nadua mpuu rara ntoPolibu Mbaso, sampe ira nasintuvu mompatesi suro-suro haitu.

Suro-Suro 7:56

Nanguli i Stefanus, “Peintamo! Nikitaku langi natebuka bo i Yesus, Ana nu Manusia neangga ri sabingga nggana nu Alatala ri suruga!”

1 Korintus 4:13

Ane nisalai ntona kami, kami nesana ante tesa nalusu. Kami nipeinta mpo rumpu ri dunia hitu. Sampe sii-sii kami nipeinta mpo tai.

Filipi 3:6

Nadidi mpuu raraku nangoseaka Atura agama Yahudi, sampe yaku nompandasa topomparasaya i Yesus. Pura-pura Atura haitu nioseakaku, ledo ria sangaya niliunakaku.

Pompakita 6:9

Naupu haitu Ana Bimba nombabuka populu kaalimana. Bo nikitaku ri tambe Lanta Pesomba naria nyawa-nyawa ntona namate anu nipatesi sabana nompatolele Tesa nu Alatala bo ledo nenonto notesaki pomparasayara i Yesus.