Yohanes 15:9 - Kaili Ledo

⁹ Yaku nompotove komiu nasimbayu mpo TuamaKu nompotove Yaku. Komiu kana maroo mosangu rara nte Yaku ala rarasaimiu pepotoveKu.

Yohanes 15:9 Iomraidhean Croise

Yohanes 15:11

Pura-pura hitu niuliKu ka komiu ala kadamba nu raraKu mamala muni rarasaimiu bo kadamba nu raramiu haitu ledo ria makura.

Yohanes 15:13

Ane saito tona mamate manjambei vega-vegana, ia mpuu-mpuu nompotove vegana haitu. Ledo ria pepotove naogepa pade haitu.

Yohanes 17:26

NipopaisaniKumo Komiu ka ira. Bo da Kupopaisani hanupa Komiu ka ira ala Ira mompotove tona ntanina nasimbayu mpo Komiu nompotove Yaku, bo ala Yaku mboto monturo riara ntaira.”

Yohanes 3:35

Tuamata Alatala nompotove AnaNa, bo nidekeiNa Ia mombakuasai pura-pura.

Efesus 3:18

Kuperapi nte Alatala ala komiu mosanggani-nggani ante pura-pura todeaNa ntanina, mamala mangisani bo mombarasai kaoge nu tove i Kristus ka kita. Ledo rapakule nu manusia ntoto mombapaha tove i Kristus haitu bo ledo rapakuleta mombasuka kambasona. Kuperapi nte Alatala ala komiu bate-batena mombarasai tove i Kristus haitu riara katuvumiu, ala mamala rapasialamiu pura-pura inggu nu Alatala.

1 Yohanes 2:28

Jadi sampesuvu-sampesuvu nipotoveku, kita kana maroo matuvu mosangu rara nte i Kristus ala ledo maeya matata mantingayo Ia, bo ledo maeka rarata tempo Ia makava mpanjili ri dunia.

Yudas 1:20

Sampesuvu-sampesuvu nipotoveku, posipakaroso pomparasayamo komiu nangoseaka pepatuduki nakana, sabana pepatuduki niparasayata haitu nagasa mpuu. Bo posambayamo ante pekeniaka Nosa Gasa nu Alatala.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.