Yohanes 15:4 - Kaili Ledo

⁴ Komiu kana maroo mosangu rara nte Yaku bo Yaku muni maroo mosangu rara nte komiu. Tinggu-tinggu nogaa lako ri batana ledo movua. Aga tinggu-tinggu anu nosintaka nte batana haitu movua. Ivesia muni komiu ledo movua ane komiu ledo maroo mosangu rara nte Yaku.

Yohanes 15:4 Iomraidhean Croise

Matius 12:33

Ane kayu nabelo, nabelo muni vuana. Ane kayu ledo nabelo, ledo muni nabelo vuana. Kabelo nu kayu nikita ri vuana.

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 17:23

Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Yohanes 6:56

Isema-sema mangande isi karoKu bo manginu raaKu, iamo maroo mosangu rara ante Yaku bo Yaku maroo mosangu rara ante ia.

Yohanes 8:31

Naupu haitu, i Yesus nanguli ka toYahudi anu nomparasaya Ia, “Ane komiu maroo mangoseaka tesaKu, komiu mpuu-mpuu topangoseaka Yaku.

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

2 Korintus 13:5

Sampesuvu-sampesuvu, paresa mbotomo karomiu ala rasanimiu bara mpuu-mpuu komiu nangoseaka i Kristus. Peinta mbotomo raramiu. Natantu rasanimiumo i Yesus Kristus naria riara ntaimiu! Ane i Kristus ledo naria riara ntaimiu, batuana komiu ledo mpuu-mpuu topangoseaka Ia.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

Kolose 2:6

Sampesuvu-sampesuvu, nitarimamiumo i Yesus Kristus najadi Tupumiu. Jadi komiu kana batena matuvu mosangu rara ante Ia.

1 Tesalonika 3:5

Jadi sia sampe nituduku i Timotius tou nte komiu, ala kusani berimba pomparasayamiu, sabana domo nipakuleku mantaamaka kalentora raraku nompekirika komiu. Nakini raraku nee-nee komiu bara mamala radagi nu Magau Seta ante pesori-pesorina sampe domo ria asele lako ri katiti nu ini kami nanggeni Kareba Belo ka komiu.

Ibrani 10:39

Sampesuvu-sampesuvuku, kita hitu ledo topoura sampe rapambela pehuku, tapi kita nomparasaya Alatala bo nanggava katuvua nabelo sampe ri kasae-saena.

1 Yohanes 2:6

Isema-sema nanguli ia natuvu nosangu rara ante Alatala, kana rapasialana katuvu i Kristus.

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.