Yohanes 15:11 - Kaili Ledo

¹¹ Pura-pura hitu niuliKu ka komiu ala kadamba nu raraKu mamala muni rarasaimiu bo kadamba nu raramiu haitu ledo ria makura.

Yohanes 15:11 Iomraidhean Croise

Lukas 15:23

Maupu haitu, koi ala ana japi toboyana bo sambalemo. Kita mangande madamba-damba,

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

Lukas 15:5

Ane rakavana bimbana haitu, rasimbuakana manjili ante damba rarana.

Lukas 15:9

Ane rakavana doina haitu, rapasiromuna roana bo tona nosadoyata nte ia ivei: ‘Kamaimo kita madamba-damba, sabana doiku nalipo nikavaku mpanjili.’

Yohanes 16:24

Nau komiu topangoseaka Yaku, sampe sii-sii komiu dopa nomperapi nuapa-nuapa. Jadi perapimo bo radekei ka komiu ala raramiu mpuu-mpuu madamba!”

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Yohanes 17:13

Sii-sii Yaku tou nte Komiu, Tata. Pura-pura anu niuliKu hitu nitesaKu ka anaguruKu tempo Yaku da naria ri sii ri dunia, ala ira mpuu-mpuu madamba nasimbayu mpo Yaku mpuu-mpuu nadamba.

Yohanes 3:29

Ia kana mantambai rabila tapi yaku domo. Rapana ri posusa ponika, boti langgai nibila apa iamo mompoberei boti mombine. Tapi ane vega nu boti langgai anu nombaurusi poboti, ia aga neangga ri sinjori boti langgai, bo nadamba mpuumo rarana nangepe suara nu boti langgai nadamba haitu. Yaku nasimbayu ante topourusi poboti haitu. Nadamba mpuumo raraku apa nadea tona nangoseaka i Yesus.

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

2 Korintus 1:24

Kami ledo topeparenta anu aga nadamba nangulika komiu nuapa raparasayamiu bo nuapa rapoviamiu. Kakanana pomparasayamiu i Kristus naroso mamimo. Tapi kami aga madota mokarajaa mosanggani-nggani ante komiu ala komiu mpuu-mpuu madamba.

Efesus 5:18

Nee malangu, apa haitu aga mompopeumba dota rara nadaa anu mompakagero katuvumiu. Tapi komiu kana rakuasai Nosa Gasa nu Alatala.

Filipi 1:25

Nisaniku nogunapa ka komiu, jadi sabana haitu, nisaniku yaku da matuvu bo mosinggava vai nte komiu pura-pura ala komiu mantambai maroso bo madamba momparasaya i Yesus.

1 Tesalonika 5:16

Komiu kana batena madamba.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.

1 Yohanes 1:4

Kami notulisi sura hitu ka komiu ala rarata mpuu-mpuu madamba.

2 Yohanes 1:12

Da nadeapa anu kutesa ka komiu, tapi nipekiriku nabelopa domo kutulisi ri sura. Yaku nonia tou nte komiu, jadi nabelopa kita mosinggava bo motesa ri mata, ala rarata mpuu-mpuu madamba mpasanggani-nggani.