Yohanes 14:10 - Kaili Ledo

¹⁰ Dopa niparasayamu Yaku nasimbayu nte TuamaKu bo TuamaKu nasimbayu nte Yaku? Anu niuliKu ka komiu pura-pura, ledo tesaKu mboto tapi tesa lako nte TuamaKu anu nosangu rara nte Yaku. Iamo anu novia pura-pura pokarajaa haitu.

Yohanes 14:10 Iomraidhean Croise

Yohanes 5:19

Jadi nanguli i Yesus ka pakeni ntoYahudi haitu, “Pariaramo tesaKu hitu. Yaku ledo mamala movia nuapa-nuapa nangoseaka dotaKu mboto, tapi anu nikitaKu lako nte TuamaKu, haitumo nipoviaKu. Nuapa-nuapa nipovia nTuamaKu, haitu muni Kupovia.

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Yohanes 12:49

apa Yaku ledo notesa nangoseaka dotaKu mboto. Yaku aga nanguli anu niparenta nTuamaku ka Yaku, sabana Iamo nantudu Yaku makava ri dunia.

Yohanes 10:30

Yaku bo TuamaKu ledo ria posisalana, aga saito.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Kolose 2:9

Apa nau i Kristus najadi manusia, pura-pura inggu bo kuasa nu Alatala naria riara karoNa bo ledo nakura nuapa-nuapa.

Yohanes 17:8

Apa nitesaKu ka ira puramo tesa niuliMiu ka Yaku, bo tesa-tesa haitu nitarimara puramo. Tata, nisanira Yaku mpuu-mpuu nakava lako nte Komiu, bo niparasayara Komiu nantudu Yaku.

Yohanes 5:17

Tapi nanguli i Yesus ka ira, “TuamaKu bate-batena nokarajaa sampe ri eo hitu, bo Yaku muni kana mokarajaa.”

1 Yohanes 5:7

Jadi, ivesiamo Alatala nompakalanto ka kita i Yesusmo AnaNa: Nosa Gasa nosabiki i Yesus Ana nu Alatala. Bo anu najadi tempo Ia nidiu bo tempo Ia namate, haitu muni nompakalanto Ia Ana nu Alatala. Talu-ngaya hitu nasimbayu posabira, haitumo, i Yesus Ana nu Alatala.

2 Korintus 5:19

Jadi siimo kareba nipatolele kami: Alatala nompoposinggabelo mpanjili manusia nte Ia sabana anu nipovia i Kristus. Domo nirekeNa dosa-dosata. Bo niparasayaNa ka kami pokarajaa mompatolele TesaNa ka tona ntanina ala ira muni mamala mosinggabelo nte Ia.

Yohanes 8:38

Anu nikitaKu nte TuamaKu, haitumo nitesaKu ka komiu. Tapi komiu aga novia anu nipatuduki ntuamamiu ka komiu.”

Kolose 1:19

Dota nu Alatala mboto sampe pura-pura ingguNa bo kuasaNa naria muni nte AnaNa, bo ledo ria nakura.

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 7:16

Nesana i Yesus ka ira, “PepatudukiKu ledo lako ri pangisaniKu mboto, tapi lako nte Alatala anu nantudu Yaku.

Yohanes 8:40

Yaku nompasimbayu ka komiu pepatuduki nakana anu niepeKu lako nte Alatala, tapi komiu aga nompasimbuku mompatesi Yaku. Ledo ivesia pokainggu i Abraham!

Yohanes 11:26

Bo isema-sema natuvu nabelo bo nomparasaya Yaku, ledo mamate bo rapopogaa lako nte Alatala sampe ri kasae-saena. Niparasayamu anu niuliKu hitu?”

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 14:11

Parasayamo tesaKu hitu, Yaku mpuu-mpuu nosangu ante TuamaKu bo TuamaKu muni nosangu ante Yaku. Nau ledo niparasayamiu tesaKu, parasayamo sabana nikitamiumo kabaraka-kabaraka nipoviaKu.

Yohanes 14:24

Tapi tona ledo nompotove Yaku, ledo nioseakana tesaKu. Tesa niepemiu hitu ledo lako nte Yaku mboto, tapi lako nte TuamaKu anu nantudu Yaku.