Yohanes 13:5 - Kaili Ledo

⁵ Naupu haitu nitoliNa uve riara loya. Bo nitoposiNa kada nu anaguruNa saito-saito pade nipakabaiNa ante handu nipompouNa kopeNa.

Yohanes 13:5 Iomraidhean Croise

Lukas 7:38

Ia nakava nanggaparai kada i Yesus bo notumangi. Uve matana nombabanggasi kada i Yesus jadi nipaisina buluana sampe nabai, bo niekina bo nitolina lana vangi kada i Yesus.

Lukas 7:44

Pade neili i Yesus nompeinta mombine pangane bo niulikaNa i Simon, “Peintamo mombine hitu! Yaku nakava ri banuamu, ledo nipakasadiamu uve Kupotoposi kadaKu nangoseaka adata ka torata. Tapi mombine hitu notoposi kadaKu ante uve matana bo nipakabaina ante buluana.

Yohanes 13:10

Tapi nanguli i Yesus ka ia, “Tona naupu nandiu nagasa njumanggaromo, domo paraluu radiu. Aga kadana kana ratoposi pakagasa. Komiu nagasamo, aga saito ledo nagasa.”

Yohanes 13:6

Tempo i Yesus nakava nte i Simon Petrus, nanguli i Petrus ka Ia, “Pue, Komiu tano mombatoposi kadaku?”

Yohanes 13:8

Tapi nanguli vaimo i Petrus ka i Yesus, “Nee, Pue! Nee mpuu ratoposiMiu kadaku!” Nesanamo i Yesus, “Ane ledo Kutoposi kadamu, iko ledo mpuu anaguruKu.”

Yohanes 19:34

Tapi naria saito tantara nombatosu usu i Yesus ante tavalana. Niosunapa tavala haitu, kaliu-liu nesuvumo raa ante uve lako ri usu i Yesus.

Suro-Suro 22:16

Jadi, nuapa vai nipopeamu? Peanggamo, dekeimo karomu radiu, tandana iko nangoseaka i Yesus. Pekakaimo nte i Yesus ala raampungiNa dosamu.’ ”

1 Korintus 6:11

Bara ipia bara sako-ndua komiu nokainggu ivesia muni. Tapi katuvumiu nipakagasa nu Alatala. Komiu najadi todeaNa nipatani ka Ia, bo komiu nipakanoa ri panggitaNa. Haitu pura-pura najadi ante kuasa Nosa Gasa nu Alatala sabana komiu nomparasaya i Pue Yesus Kristus.

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

1 Yohanes 1:7

Tapi ane kita natuvu riara reme nasimbayu mpo Alatala naria riara nu reme, kita natuvu nosangu rara nte roa, bo Alatala mombalelaka pura-pura dosata sabana raa nu AnaNa i Yesus anu namate ala dosata mamala raampungi.

1 Yohanes 5:6

I Yesus Kristus nakava ri dunia. Ia nidiu i Yohanes Topediu bo natitimo raaNa tempo Ia namate ri kayu salib. Ia ledo aga nidiu tapi Ia namate muni bo raaNa natiti. Nosa Gasa mboto nompakalanto ka kita i Yesusmo Ana nu Alatala. Bo anu niuli Nosa Gasa nakana mpuu.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Pompakita 7:14

Nesanamo yaku, “Tua, ledo nisaniku, komiu nangisanina.” Bo nangulimo ia ka yaku, “Ira gahaitumo tona nipakasalama tempo pepandasa anu nelabi mpuu kadaana. Nitoposira pakeara sampe naramputi ante raa nu Ana Bimba, haitumo, dosara niampungi.