Yohanes 13:21 - Kaili Ledo

²¹ Naupu i Yesus notesa pura-pura haitu, nasusa mpuumo raraNa. Bo niuliNa, “Pariaramo tesaKu hitu, naria saito komiu mompobalu Yaku ka baliKu.”

Yohanes 13:21 Iomraidhean Croise

Matius 26:21

Da nangande ira, nangulimo i Yesus, “Pariaramo tesaKu hitu. Saito komiu mompobalu Yaku ka baliKu.”

Matius 26:38

Bo niulikaNa gi Petrus, “Nasusa mpuumo raraKu. NirasaiKu eva mamate Yaku! Popea ri sii ruru. Mainga-ingamo bo posambayakamo Yaku!”

Markus 14:18

Tempo ira da nangande, nangulimo i Yesus ka ira, <>

Markus 3:5

Jadi i Yesus neili nangganoto tona ri sia. Narau mpuu raraNa tapi nabuku muni raraNa nanggita ira nakaa gaga bagara. Ledo ntoto naasi matara nanggita tona nakoyo palena. Bo nanguli Ia ka tona haitu, <> Niodo ntona haitu mpuumo palena, bo nabelomo.

Yohanes 11:33

Tempo i Yesus nanggita i Maria nte toYahudi anu nomporoa ia notumangi-mangi, nasusa mpuumo raraNa.

Yohanes 11:35

Notumangimo i Yesus.

Yohanes 11:38

I Yesus nanggaparai dayo i Lazarus ante susa raraNa. Dayo haitu bolo vatu ri kente nu bulu, vambana niupi ante vatu mbaso.

Yohanes 12:27

Hitupa nasusa mpuumo raraKu. Nuapa Kuuli? Madota Kuperapi TuamaKu mombakabasaka peparajea anu majadi ri karoKu ngena. Tapi ledo Kuperapi ivesia, sabana patuju kakavaKu ri dunia hitu ala mombarasai peparajea haitu.”

Yohanes 13:18

Anu niuliKu pangane ledo nambela komiu pura-pura. NisaniKu mamimo tona nipelisiKu, bo kana rapakadupa anu nitulisi riara Buku Gasa ivei: ‘Tona nangande nosanggani-nggani ante Yaku, iamo najadi baliKu.’

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Yohanes 13:22

Naingu mpuumo rara nu ana-anaguruNa nangepe tesaNa haitu sampe ira aga nosikanoto sabana ledo nisanira isema niuliNa.

Suro-Suro 17:16

I Paulus da nompopea i Silas bo i Timotius ri ngata Atena, nasusa mpuu rarana nanggita kadea nu pinoito-pinoito nisomba ntoAtena.

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.