Yohanes 13:2 - Kaili Ledo

² I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Yohanes 13:2 Iomraidhean Croise

Lukas 22:3

Tempo haitu Magau nu Seta nesua riara ntai i Yudas anu niuli Iskariot, saito lako ri sapulu randua anaguru i Yesus.

Lukas 22:31

Pade nanguli i Yesus ka i Simon Petrus, “Simon, epemo tesaKu! Magau nu Seta nipaloga nu Alatalamo mompesori komiu pura-pura nasimbayu mpo topovaro pae.

Yohanes 13:11

Niuli i Yesus ivesia sabana nisaniNa isema mompobalu Ia ka baliNa. Haitu sampe niuliNa, “Aga saito ledo nagasa.”

Yohanes 13:4

Jadi neanggamo Ia nombavonju baju ndoeNa, bo nialaNa handu nipoukaNa kopeNa.

Suro-Suro 5:3

Nanguli i Petrus ka ia, “Ananias, nakuya iko nompalamba Magau nu Seta nombakuasai raramu sampe nidavaimu Nosa Gasa nu Alatala? Iko nombaboliaka doimu sagaa ka iko mboto.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

Pompakita 17:17

Haitu pura-pura kana majadi sabana Alatalamo nompakasangu pekiri nu magau sapulu movia nia nu Alatala mboto. Ia nompakasangu rarara mombadekei kuasara ka binata nadaa haitu ala binata haitu momparenta sampe madupa pura-pura anu nitesa nu Alatala.