Yohanes 13:18 - Kaili Ledo

¹⁸ Anu niuliKu pangane ledo nambela komiu pura-pura. NisaniKu mamimo tona nipelisiKu, bo kana rapakadupa anu nitulisi riara Buku Gasa ivei: ‘Tona nangande nosanggani-nggani ante Yaku, iamo najadi baliKu.’

Yohanes 13:18 Iomraidhean Croise

Matius 10:36

Tona nangoseaka Yaku raeva nu roara sambanua mboto. Mikha 7:6

Matius 26:21

Da nangande ira, nangulimo i Yesus, “Pariaramo tesaKu hitu. Saito komiu mompobalu Yaku ka baliKu.”

Matius 26:23

Nesana i Yesus, “Tona notula roti ri uta nosanggani-nggani ante Yaku, iamo mompobalu Yaku.

Markus 14:17

Nabongipa, nakavamo i Yesus nosanggani-nggani ante anaguruNa sapulu randua bo hau nesua riara tombi nipompasadia kandea haitu.

Markus 14:18

Tempo ira da nangande, nangulimo i Yesus ka ira, <>

Markus 14:20

Nesana i Yesus, <

Lukas 22:21

Peintamo! Topompobalu Yaku naria nosinggani-nggani ante Yaku ri sii.

Yohanes 13:21

Naupu i Yesus notesa pura-pura haitu, nasusa mpuumo raraNa. Bo niuliNa, “Pariaramo tesaKu hitu, naria saito komiu mompobalu Yaku ka baliKu.”

Yohanes 13:22

Naingu mpuumo rara nu ana-anaguruNa nangepe tesaNa haitu sampe ira aga nosikanoto sabana ledo nisanira isema niuliNa.

Yohanes 13:26

Nesana i Yesus, “Tona Kudekeika roti Kutula ri uta, iamo nipatujuKu.” Naupu haitu nialaNamo santubi roti bo nitulaNa ri uta pade nidekeiNa ka i Yudas, ana i Simon Iskariot.

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 15:19

Ane rapana komiu nosangu pekiri ante tona ledo nomparasaya Yaku, natantumo rapotovera komiu sabana komiu roara mboto. Tapi komiu ledo nosangu pekiri ante ira, sabana Yaku nompelisi komiu bo nopatani komiu ka Yaku. Jadi haitu sampe komiu nipovuu matara.

Yohanes 15:25

Haitu najadi ala madupa tesa nitulisi riara Buku Gasa ivei: ‘Ira navuu matara nanggita Yaku nau ledo naria sabana.’

Yohanes 17:12

Tempo Yaku da nosanggani-nggani ante ira, Yakumo nombajagai ira ante kuasaMiu, haitumo kuasa nidekeiMiu ka Yaku. NijagaiKu anaguruKu sampe ledo ria saitoa ira nalipo, aga ia anu masipato rapopogaa lako nte Komiu sampe ri kasae-saena ala madupa anu nitulisi riara Buku Gasa.

Yohanes 18:32

Haitu najadi mompakadupa tesa i Yesus tempo Ia notesa dala kamateNa.

Yohanes 19:24

Haitu sampe tantara-tantara nanguli, “Nee rabitesita baju ndoe hitu. Agina kita mompenoa lamoro. Isema mambela lamoro, iamo manggava baju hitu.” Haitu najadi ala madupa tesa nitulisi riara Buku Gasa ivei: “Ira momposibagi pakeaKu, bo baju ndoeKu raposipenoara.” Mazmur 22:18 Jadi anu nipovia ntantara-tantara nompakadupa anu nitulisi haitu.

Yohanes 19:36

Pura-pura haitu najadi ala madupa anu nitulisi riara Buku Gasa ivei: “Ledo ria sangua bukuna rapakakoto.”

Yohanes 21:17

Bo i Yesus nekutana vai katalu-ngganina, “Simon, ana i Yohanes, nipotovemu mpuumo Yaku?” Nangepe haitu, nasusa mpuumo rara i Petrus, sabana talu-ngganimo i Yesus nompekutana ia. Jadi nesana i Petrus, “Pue, nisaniMiu mpengaya-ngaya. NisaniMiu nipotoveku Komiu.” Nanguli i Yesus, “Ane ivesia, piaramo bimba-bimbaKu.

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Suro-Suro 1:16

“Sampesuvu pura-pura. Anu nitulisi riara Buku Gasa nombatesa i Yudas kana madupa. Tempo nggaulu Magau Daud nompasimbayu tesa nu Nosa Gasa nanguli i Yudas manggeni tona mosaka i Yesus.

Suro-Suro 1:2

sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

Ibrani 4:13

Nau aga sangaya anu nipajadi nu Alatala, ledo ria sangua ledo nikitaNa. Pura-pura nalanto nikitaNa. Bo kita kana mompangaku pura-pura pokaingguta ka Ia bara maipia.

Pompakita 2:23

Bo ana-anana Kupatesi sampe malanto ka pura-pura topomparasaya, Yakumo anu nomparesa pekiri bo rara ntai manusia, bo Yakumo anu mombabalasi komiu saito-saito nangoseaka pokainggumiu.