Yohanes 13:16 - Kaili Ledo

¹⁶ Pariaramo tesaKu hitu, batua ledo naogepa pade madikana. Ivesia muni tona nitudu ledo naogepa pade topetudu.

Yohanes 13:16 Iomraidhean Croise

Lukas 6:40

Ledo ria ngana sikola naogepa pade guruna. Tapi ane matamamo posikolana, masimbayumo ia nte guruna.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:5

Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

2 Korintus 8:23

I Titus hii roaku sampokarajaa mantulungi komiu. Bo randua sampesuvuta ntanina anu momporoa ia, nisuro ntodea topomparasaya, bo nadea mpuu tona nombabila bo nombatoiya i Kristus sabana katuvu nu sampesuvuta randua haitu.

Filipi 2:25

Ane sampesuvuta i Epafroditus, anu nitudumiu bara ipia tumai mombatulungi yaku, nipekiriku kana kutudu manjili tou nte komiu vai ia. Ia roaku sampokarajaa anu nosanggani-nggani ante yaku nompatolele Kareba Belo i Kristus nau nieva ntona.