Yohanes 13:13 - Kaili Ledo

¹³ Niulimiu Yaku Gurumiu bo Tupumiu, bo tesamiu haitu nakana, sabana Yaku mpuu-mpuu Gurumiu bo Tupumiu.

Yohanes 13:13 Iomraidhean Croise

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Lukas 10:28

Nanguli i Yesus ka ia, “Nambelamo pesanamu tutu. Poviamo mpo anu niulimu tutu ala iko matuvu mabelo sampe ri kasae-saena.”

Lukas 6:46

Nangulimo i Yesus, “Nakuya komiu noronde Yaku ‘Pue, Pue’ tapi ledo nioseakamiu parentaKu?

Lukas 7:43

Nanguli i Simon, “Panggavaku, tona nadeapa indana haitu nipotovenapa tupu nu doi.” Nesana i Yesus, “Nakana panggavamu tutu.”

Yohanes 11:28

Naupu i Marta notesa ka i Yesus ivesia, hau ia nompokio i Maria bo nanggalivaya ka ia, “Nakavamo i Guru. Ia madota mosinggava nte iko.”

Yohanes 11:3

Jadi sampesuvuna randua nombatudu tona hau mangulika i Yesus ivei: “Pue, vega nipotoveMiu nadua.”

1 Korintus 12:3

Haitu sampe kuuli ka komiu, komiu kana mompoposisala anu nadaa bo anu nabelo. Ane tona nikeniaka Nosa Gasa nu Alatala, ledo raulina, “Nasurukavumo i Yesus.” Bo ivesia muni ledo rapakule ntona mompangaku, “I Yesus, Iamo Tupu” ane tona haitu ledo nikeniaka Nosa Gasa nu Alatala.

1 Korintus 8:6

Tapi ane kita topomparasaya, nisanita aga saito Alatala nakana. Iamo Tuamata anu nompajadi pura-pura anu naria ri dunia. Iamo nombadekei katuvu ka kita ala kita mombasomba Ia. Bo aga saito Tuputa, i Yesus Kristus anu nipopale nu Alatala nompajadi pura-pura anu naria, bo lako nte Ia sampe natuvu kita.

Efesus 6:9

Bo komiu anu najadi tua atau madika, komiu muni kana mokainggu mabelo nte batuamiu. Nee momparangga ira, sabana nisanimiu mboto Tupumiu bo Tupura aga saito. Iamo naria ri suruga bo Ia ledo nompelenje.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus

Yakobus 2:19

Komiu nomparasaya aga saito Alatala. Haitu nabelo, tapi seta-seta muni nomparasaya Alatala aga saito bo ira nolete naviora!