Yohanes 12:5 - Kaili Ledo

⁵ “Nakuya ledo nipobaluka lana nasuli alina haitu nte alina taluatu doi salaka bo alina haitu radekei ka tona napakasi?”

Yohanes 12:5 Iomraidhean Croise

Matius 18:28

Tempo tomaoge haitu nesuvu ri savalikuna, ia nosintomu ante roana anu noinda sakide nte ia. Nikojenamo tambolo roana haitu bo nanguli, ‘Bayari puramo indamu nte yaku!’

Matius 20:2

Nikavana bara sako-ndua topokarajaa bo nasitujumo ira simbo sampeka doi salaka gajira saeo. Naupu sia nituduna ira hau mokarajaa ri taluana.

Lukas 12:33

Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 6:41

Nakuya komiu namala nanggita dosa nu roamiu nakodi mpo garupu ri matana, tapi dosamiu mboto nambaso mpo baloti ri matamiu ledo nikitamiu?

Yohanes 12:4

Nanggita haitu, notesamo saito anaguru i Yesus anu nosanga i Yudas Iskariot anu mompobalu Ia bara maipia. Niulina,

Yohanes 12:6

Kakanana ledo tona napakasi nitora i Yudas, tapi aga karona mboto apa ia topelea. Iamo anaguru anu niparasaya nombaboli doira, bo sanggani-sanggani nipeleana doi haitu. Haitu sampe niulina ivesia.

Yohanes 13:29

Naria sanu nompekiri i Yesus nombatudu i Yudas hau mangali bara nuapa-nuapa rapakera riara posusa haitu, bara mombadekei doi ka tona napakasi, apa i Yudas topomboliaka doira.

Yohanes 6:7

Nesanamo i Filipus, “Nau roatu kadeana doi salaka raalika roti, ledo magana rapakande ka tona dea hitu. Nau aga mbo sakide rabagi ka ira, ledo magana.”