Yohanes 12:2 - Kaili Ledo

² Hamai nipovia posusa mombabila i Yesus. I Marta nantulungi nanggeni kandea ka toposusa bo i Lazarus nonturo ri tatangara nangande nosanggani-nggani ante i Yesus.

Yohanes 12:2 Iomraidhean Croise

Matius 26:6

Tempo i Yesus ante ana-anaguruNa naria ri ngata Betania ira nesai ri banua ntona nosanga i Simon anu nadua oge bara ipia.

Markus 14:3

Tempo i Yesus naria ri ngata Betania, Ia hau ri banua i Simon anu nadua oge bara ipia. Da nonturo nangande ri sia, nakavamo saito mombine nanggeni sangu botolo nipovia lako ri vatu pualam. Botolo haitu noisi lana dupa nasuli mpuu alina anu nipovia lako ri kale navangi. Mombine haitu nombakotosaka tambolo botolo haitu bo nitolina lana dupa ri balengga i Yesus, tandana pebilana ka Ia.

Lukas 12:37

Nabelo mpuu batua haitu ane manjili madikara bo rakavana ira da nemata! Pariaramo! Madika haitu mompasua baju pokarajaa bo ratuduna ira monturo, bo ia mboto mombasondu kandea ka ira!

Lukas 14:12

Pade i Yesus notesa ka tupu nu banua ri sia, “Ane komiu mombagaga tona makava mangande ri posusa, bara eona bara bongina, nee ragagamiu roamiu, bara sampesuvumiu bara tona nakalumana nosadoyata nte komiu, apa ragagara mpanjili komiu ngena. Jadi ivesiamo rapoviara mombabalasi pokainggumiu nabelo.

Lukas 22:27

Isema naogepa, tona nonturo nangande, atau tona nosondu ka ia? Natantu naogepa toponturo. Tapi Yaku Tupumiu, naria ri tatangamiu najadi toposondu ka komiu. Jadi ledo masipato komiu masesa mompekirika isema naogepa!

Lukas 5:29

Naupu sia, i Lewi novia posusa ka i Yesus ri banuana. Nadea topesingara balasitee ante tona ntanina nangande nosanggani-nggani nte ira ri posusa haitu.

Pompakita 3:20

Peintamo! Hitumo Yaku neangga nombatanede-nede ri vamba. Ane maria tona mangepe suaraKu bo mombabuka vamba, Yaku mesua nte ia bo mangande mosanggani-nggani ante ia.