Biblia Todo Logo
Bìoball air-loidhne

- Sanasan -




Yohanes 12:16 - Kaili Ledo

16 Jadi nibila ntodea mpuu i Yesus tempo Ia nesua riara ngata Yerusalem. Tapi dopa nisani nu ana-anaguruNa batuana. Naliu Ia natuvu mpanjili lako ri kamateNa bo neore hau ri suruga, pade nisanira pebila ntodea ka i Yesus nompakadupa anu nitulisi riara Buku Gasa pangane.

Faic an caibideil Dèan lethbhreac




Yohanes 12:16
19 Iomraidhean Croise  

Naupu i Yesus notesa ivesia ka ira, neoremo Ia hau ri suruga bo nonturo ri sabingga nggana nu Alatala.


Tapi ledo nisanira batua ntesaNa haitu, bo naeka rarara mompekutana batuana nte Ia.


Pura-pura anu nitesa i Yesus haitu ledo nipaha nu anaguruNa. Batua ntesaNa haitu nitabuniaka ka ira. Jadi ledo nisanira nuapa nitesa i Yesus.


Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!


NipakanotoNa pekirira ala rapakulera mombapaha isi Buku Gasa.


Tapi ledo nisani nu anaguruNa batua ntesaNa. Batua nu tesa haitu nitabuniaka ala ledo rapahara. Bo ledo muni nabia ira nompekutana nuapa batua ntesaNa.


I Yesus notesa kamateNa ka ira. NiuliNa, “Nakavamo tempona Alatala mompopakita kaoge Ana nu Manusia, haitumo kaogeKu.


Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.


NitesaKu mami ka komiu kamateKu, ala tempo haitu majadi ngena, ratoramiu nariamo nitesaKu ka komiu.” “Tesa hitu ledo niuliKu ka komiu lako ri pamulana sabana Yaku da nosanggani-nggani ante komiu.


Tata, hitupa dekeimo kuasa bo kaoge ka Yaku ri situ nte Komiu, haitumo kuasa bo kaoge anu naria nte Yaku tempo Yaku nosanggani-nggani nte Komiu dopame dunia nipajadi.”


Naliu i Yesus natuvu mpanjili lako ri kamateNa, nitora nu anaguruNamo tesaNa hitu. Bo niparasayaramo anu nitulisi riara Buku Gasa bo anu nitesa i Yesus mboto.


Uve nipatuju i Yesus, haitumo Nosa Gasa nu Alatala anu radekei ka tona nomparasaya Ia. Tempo haitu, Nosa Gasa dopa nidekei ka topomparasaya sabana i Yesus dopa neore hau ri suruga bo nipakaoge nu Alatala.


Ia nianggataka nu Alatala bo nipoponturo ri ponturo nibila ri sabingga nggana nu Alatala ri suruga. Bo nitarimaNa Nosa Gasa nijanji nTuamaNa, Alatala. Jadi sampesuvu-sampesuvu, pangane nikitamiu bo niepemiu kami notesa nte mpengaya basa. Haitu najadi sabana kuasa Nosa Gasa anu nipopanau i Yesus ka kami.


Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”


Alatala anu nisomba ntotuata bo Nabi Abraham, i Ishak, bo i Yakub, Iamo nombabila bo nompakaoge BatuaNa i Yesus. I Yesus haitumo nidekeimiu ka pomarenta, bo Iamo nipoaramiu ri ngayo i Pilatus tempo i Pilatus madota mombakabasaka Ia.


Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.


Patuju ntesaku pangane ivei: Naria mamimo Pakeni nTopanggeni Pesomba ivehaitu nte kita. Ia nonturo ri suruga ri panggana nu Alatala anu Neliu KaogeNa.


Lean sinn:

Sanasan


Sanasan