Yohanes 12:1 - Kaili Ledo

¹ Ono-eopa pade Eo Mbaso Paskah, i Yesus hau ri ngata Betania, ngata niponturo i Lazarus nipakatuvuNa mpanjili lako ri kamatena bara ipia.

Yohanes 12:1 Iomraidhean Croise

Matius 21:17

Naupu haitu i Yesus nompalaisi ira, pade nesuvu Ia lako ri ngata Yerusalem hau ri ngata Betania. Bo naturumo Ia sambongi hamai.

Markus 11:11

Nakava ri ngata Yerusalem, nesuamo i Yesus ri Banua nu Alatala. Naupu nipeintaNa pura anu naria hamai, nalaimo Ia ante anaguruNa sapulu randua haitu manjili hau ri ngata Betania, apa nanggoviamo.

Lukas 24:50

Naupu haitu, i Yesus nanggeni ana-anaguruNa hau ri savaliku ngata Yerusalem napara ngata Betania. Ri sia nilaerakaNa paleNa bo nerapi Alatala mombadekei belo ka ira pura-pura.

Lukas 7:37

Ri ngata haitu naria saito mombine nadosa, pokaingguna ledo masipato. Niepena i Yesus ria nangande ri banua ntoFarisi haitu, hau ia nanggeni botolo kodi nipovia lako ri vatu pualam. Botolo haitu noisi lana vangi.

Yohanes 11:1

Naria saito langgai nosanga i Lazarus anu nonturo ri ngata Betania nosanggani-nggani ante sampesuvuna mombine anu nosanga i Maria bo i Marta. I Maria mombine nombatoli lana dupa ri kada i Yesus bo nipakabaina ante buluana. Naria sanggani i Lazarus nadua ntamo.

Yohanes 11:43

Naupu notesa ivesia, nongaremo i Yesus ante suara namangga, “Lazarus! Pesuvumo!”

Yohanes 11:44

Bo nesuvu mpuumo i Lazarus lako riara nu dayo. Kadana bo palena da nibeve sompu bo balenggana da nipou kae. Bo nanguli i Yesus ka ira, “Volemo pompouna ala mabelo ia molipa.”

Yohanes 11:55

Tempo haitu naparamo eo mbaso agama Yahudi anu niuli Eo Mbaso Paskah. Jadi nadeamo tona lako ri ngata-ngata ntoYahudi nantende hau ri ngata Yerusalem ala mantuntuni ada pompakagasa karora dopame rapamula Eo Mbaso Paskah.

Yohanes 12:12

Naeo mpadondo, todea anu nakava ri ngata Yerusalem mantuntuni posusa Paskah, niepera i Yesus makava ri ngata Yerusalem muni.

Yohanes 12:20

Ri tatanga ntodea hau metupu nte Alatala ri ngata Yerusalem tempo posusa Paskah haitu, naria muni bara sako-ndua toYunani.

Yohanes 12:9

Nadea mpuu toYahudi nangepe lelena i Yesus naria ri ngata Betania. Jadi haumo ira manggita i Yesus bo muni manggita i Lazarus anu nipakatuvuNa mpanjili lako ri kamatena.