Yohanes 11:8 - Kaili Ledo

⁸ Nesana anaguruNa, “Guru, dopa nasae toYahudi hamai madota mombarempe Komiu ante vatu sampe mamate. Nuapa sabana sii-sii Komiu madota hau vai?”

Yohanes 11:8 Iomraidhean Croise

Matius 23:7

Nipokonora rabila ntona ri potomu bo nadamba rarara ane tona nanggasangai ira ‘Guru’.

Matius 23:8

Tapi komiu, aga saito Gurumiu bo komiu pura-pura nosampesuvu. Jadi nee radekei tona mombabila komiu bo manggasangai komiu ‘guru’.

Yohanes 10:31

Nangepe tesaNa haitu, niala ntoYahudimo vatu raporempera i Yesus.

Yohanes 10:39

Nangepe haitu, pakeni ntoYahudi nompasimbuku vaimo mombasaka i Yesus, tapi nalaimo Ia.

Yohanes 11:19

Jadi nadeamo toYahudi nakava nte i Marta bo i Maria mompakavoe rarara sabana sampesuvura i Lazarus namatemo.

Yohanes 4:31

Puri mombine rou rangata, nanguli ana-anaguru i Yesus ka Ia, “Kaimo Guru, mangandemo kita.”

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.