Yohanes 11:54 - Kaili Ledo

⁵⁴ Sabana haitu, i Yesus domo noliu ri ngata-ngata ntoYahudi, ala domo rakita ntona. Tapi nalai Ia lako ri bagia Yudea hau ri ngata Efraim napara karava bai. Bo naroo hamai nosanggani-nggani ante anaguruNa.

Yohanes 11:54 Iomraidhean Croise

Yohanes 10:40

Naupu haitu, haumo i Yesus nanjili ri sambote Binangga Yordan. Bo Ia naroo hamai ri ponturo i Yohanes Topediu nombadiu tona bara ipia.

Yohanes 18:20

Nesanamo i Yesus, “Yaku nasaro notovontoo notesa ri ngayo ntodea. Yaku nasaro notesa ri banua petupu bo ri Banua nu Alatala, ponturo nikasiromu ntoYahudi. Ledo ria sanggania nitabuniakaKu tesaKu.

Yohanes 7:1

Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Yohanes 7:10

Nalaipa sampesuvu i Yesus hau ri Yerusalem, hau munimo Ia saitoNa. Ia hau ri posusa haitu nggalino-lino ala ledo rasani ntodea.

Yohanes 7:13

Tapi ledo ria saitoa tona nabia nanguli ri ngayo ntodea, sabana naeka ira ka pakeni-pakeni ntoYahudi.

Yohanes 7:4

Apa isema-sema madota rasani ntodea, ledo ratabuniakana poviana. Jadi popakitamo tanda nipokumaaka nipoviaMu ka todea.”