Yohanes 11:4 - Kaili Ledo

⁴ Nangepe kareba haitu, nangulimo i Yesus, “Duana haitu dopa rapomatena. Haitu najadi ala Alatala mompopakita kuasaNa. Bo lako ri duana haitu, rasani ntona Yaku, Ana nu Alatala, nakuasa muni.”

Yohanes 11:4 Iomraidhean Croise

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

Yohanes 11:40

Nanguli i Yesus ka i Marta, “Nuapa niuliKu ka iko pangane? Ane muparasaya, mukita kaoge kuasa nu Alatala!”

Yohanes 12:28

Jadi nanguli i Yesus ka TuamaNa, “Tata, popakita kaogeMiu ka manusia!” Naupu niuliNa ivesia, nariamo suara lako ri langi nanguli, “NipopakitaKumo kaogeKu bo Kupopakita vai.”

Yohanes 17:1

Naupu i Yesus notesa ivesia, nitingoaNamo langi bo niuliNa ivei: “Tata, nakavamo tempona! Popaisanimo kuasa bo kaogeKu ka tona ala Yaku, AnaMiu, mamala mompopaisani kuasa bo kaogeMiu.

Yohanes 17:10

Pura-pura tona anu najadi todeaKu, najadi todeaMiu muni. Bo pura-pura tona anu najadi todeaMiu najadi todeaKu muni. KuasaKu bo kaogeKu nalanto nikita riara nggatuvura.

Yohanes 17:5

Tata, hitupa dekeimo kuasa bo kaoge ka Yaku ri situ nte Komiu, haitumo kuasa bo kaoge anu naria nte Yaku tempo Yaku nosanggani-nggani nte Komiu dopame dunia nipajadi.”

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Yohanes 8:54

Nesana i Yesus, “Ane Yaku mombabila karoKu mboto, ledo ntoto maria batuana. Tapi TuamaKu nombabila Yaku bo Iamo anu nipangakumiu Alatala nisombamiu,

Yohanes 9:24

Naupu haitu, nipokiora vai sangganipa toburo haitu bo nipekutanara, “Ulimo anu nakana ri ngayo nu Alatala! Nisani kamimo tona nompakabelo matamu haitu tona nadosa!”

Yohanes 9:3

Nesana i Yesus, “Ledo ia nadosa, ledo muni totuana. Tapi haitu najadi ala kuasa nu Alatala mamala rakita riara nggatuvuna.

Roma 11:11

Jadi, deanapa toYahudi nanavu sabana ira ledo nomparasaya. Tapi nee rapekirimiu ira nanavu sampe ri kasae-saena! Ledo ivesia patuju nu Alatala! Lako ri pesapuaka ntoYahudi haitu, tona ledo toYahudi nanggava loga momparasaya bo rapakasalama. Kaupuna, toYahudi masiriati manggita ira apa ira muni madota rapakasalama.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Filipi 1:20

Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!

1 Petrus 4:14

Ane komiu rasalai ntona sabana komiu nangoseaka i Kristus, kana masana mpuumo komiu. Apa ane komiu rasalai sabana pomparasayamiu, batuana Nosa Gasa nu Alatala anu nakuasa, naria mpuu riara nggatuvumiu.