Yohanes 10:4 - Kaili Ledo

⁴ Ane nesuvu ri savalikuna puramo bimba, topoevu molipa mokolu ka bimbana haitu. Bo bimba-bimba haitu mangoseaka purina, sabana nisanira suara ntopoevu.

Yohanes 10:4 Iomraidhean Croise

Matius 16:24

Naupu sia pade niulikaNa ana-anaguruNa, “Isema-sema madota mangoseaka Yaku, ia kana mombakabasaka dotana mboto bo mpuu-mpuu mangoseaka Yaku. Ia kana majadi nasimbayu eva tona nanjimbuaka kayu salibna, haitumo, ia kana masadia rapandasa nau ia rapatesi sabana nangoseaka Yaku.

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Yohanes 10:27

Bimba-bimbaKu nantalingai tesaKu bo nisaniKu ira bo nioseakara Yaku.

Yohanes 10:3

Topojaga gimpu mombabuka bobaa ka ia, bo bimba-bimba haitu mombatalingai suarana ane rapokiona sangara sangu-sangu. Bo rakenina ira hau ri savalikuna.

Yohanes 10:5

Bimba-bimba haitu ledo mangoseaka tona ntanina, tapi aga rapalaikara tona haitu, sabana ledo nisanira suarana.”

Yohanes 10:8

Pura-pura tona nakava nokolu ka Yaku, aga topangangga bo topeago. Tapi bimba-bimba ledo nombatalingai suarara.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Yohanes 13:15

Yaku najadi jonjo ka komiu ala komiu mositulungi, nasimbayu mpo Yaku nantulungi komiu notoposi kadamiu.

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Yohanes 3:29

Ia kana mantambai rabila tapi yaku domo. Rapana ri posusa ponika, boti langgai nibila apa iamo mompoberei boti mombine. Tapi ane vega nu boti langgai anu nombaurusi poboti, ia aga neangga ri sinjori boti langgai, bo nadamba mpuumo rarana nangepe suara nu boti langgai nadamba haitu. Yaku nasimbayu ante topourusi poboti haitu. Nadamba mpuumo raraku apa nadea tona nangoseaka i Yesus.

1 Korintus 11:1

Jadi pasialamo pokaingguku nasimbayu mpo yaku mboto nompasiala pokainggu i Kristus.

Efesus 5:1

Alatala nompotove komiu bo komiu najadi ana-anaNa, jadi komiu kana mompasiala pokainggu nu Alatala.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Ibrani 6:20

Ia nokolu nesua hamai mompakasadia dala ka kita. Ia nianggataka najadi Pakeni nTopanggeni Pesomba sampe ri kasae-saena, nasimbayu mpo i Melkisedek.

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.

1 Petrus 4:1

Kristus mboto nombarasai kasusa bo kapari tempo Ia natuvu ri dunia hitu. Jadi haitumo sabana komiu muni kana mompakaroo raramiu ala masadia mombarasai kasusa bo kapari nasimbayu mpo Ia. Apa isema-sema nombarasai kasusa bo kapari ri karona mboto domo nadota novia dosa.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.