Yohanes 10:2 - Kaili Ledo

² Tapi topoevu bimba-bimba haitu, nesua ri bobaa nu gimpu.

Yohanes 10:2 Iomraidhean Croise

Matius 15:11

Anu nesua ri sumba ledo mompakaruto manusia ri panggita nu Alatala. Tapi anu nesuvu lako ri sumba, haitumo anu nompakaruto manusia ri panggita nu Alatala!”

Yohanes 10:14

Yakumo hii topoevu nabelo. TuamaKu nisaniNa Yaku bo Yaku nisaniKu muni Ia. Ivesia muni nisaniKu pura-pura bimbaKu bo bimba-bimbaKu nisanira Yaku. Bo Yaku mamate ala bimba-bimbaKu mamala matuvu.

Yohanes 10:7

Sabana haitu, nanguli vaimo i Yesus ka ira, “Pariaramo tesaKu hitu! Yakumo hii bobaa rapesua nu bimba hau riara gimpu.

Yohanes 10:9

Yakumo hii bobaa. Isema-sema mesua modala nte Yaku rapakasalama. Ia mamala mesua bo mesuvu manggava kandea.

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

1 Timotius 4:14

Nee malinga mompake pompakule nidekei nu Nosa Gasa ka iko tempo tona nompasimbayu petevai lako nte Alatala ka iko bo pakeni ntopomparasaya nodika palera ri balenggamu.

Titus 1:5

Patujuku nantudu iko maboli ri levuto Kreta ala mupasiayu anu dopa nasiayu ri situ, bo manggataka pakeni ntodea topomparasaya ri pura-pura ngata, evamo anu niuliku ka iko bara ipia.

Ibrani 13:20

Alatala nompakatuvu mpanjili Tuputa Yesus lako ri kamateNa. Jadi Ia najadi Topoevu nakuasa anu nompoevu kita bimba-bimbaNa. RaaNa nipatiti nompakaasa pojanji nu Alatala ante kita, bo pojanji haitu rapake sampe ri kasae-saena. Kuperapi Alatala, puna katuvua nabelo, mompakagana pura-pura anu nabelo niparaluumiu, ala rapakulemiu movia dotaNa. Kuperapi Ia manggeni komiu movia anu nipokonoNa ante petulungi i Yesus Kristus. Iamo masipato ratoiyata bo rabilata sampe ri kasae-saena. Amin!

1 Petrus 2:25

Tempo bara ipia, komiu mpo bimba-bimba nasalandalamo. Tapi sii-sii komiu nipopanjilimo nte Topoevu anu nombajagai katuvumiu.

1 Petrus 5:4

Bo tempo i Kristus, Topoevu Nopoko, makava mpanjili ri dunia, radekeiNa ka komiu tambo, haitumo bagia ri kuasaNa bo kaogeNa anu ledo maupu-upu.

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”