Yohanes 10:16 - Kaili Ledo

¹⁶ Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Yohanes 10:16 Iomraidhean Croise

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Lukas 15:8

I Yesus nompapola tesaNa ante porapa ntanina ivei: “Rapana maria mombine ante doi salaka sapulu-mpekana. Ane malipo sampeka, nuapa rapoviana? Natantu ratunjuna poindo bo rasaevena banuana mangelo pakabelo sampe rakavana doi nalipo haitu.

Yohanes 10:11

“Yakumo hii topoevu nabelo. Yaku nasadia mamate ala bimbaKu matuvu.

Yohanes 10:2

Tapi topoevu bimba-bimba haitu, nesua ri bobaa nu gimpu.

Yohanes 10:27

Bimba-bimbaKu nantalingai tesaKu bo nisaniKu ira bo nioseakara Yaku.

Yohanes 10:3

Topojaga gimpu mombabuka bobaa ka ia, bo bimba-bimba haitu mombatalingai suarana ane rapokiona sangara sangu-sangu. Bo rakenina ira hau ri savalikuna.

Yohanes 10:4

Ane nesuvu ri savalikuna puramo bimba, topoevu molipa mokolu ka bimbana haitu. Bo bimba-bimba haitu mangoseaka purina, sabana nisanira suara ntopoevu.

Yohanes 10:5

Bimba-bimba haitu ledo mangoseaka tona ntanina, tapi aga rapalaikara tona haitu, sabana ledo nisanira suarana.”

Yohanes 11:52

Bo ledo aga toYahudi, tapi nibotusina muni i Yesus mamate ka pura-pura ana-ana nu Alatala ntanina ri umba-umba ri dunia, ala ira rapasiromu majadi sangu.

Yohanes 17:20

“Ledo aga anaguruKu hitu Kuposambayaka, tapi Kuposambayaka muni pura-pura tona anu majadi topomparasaya Yaku bara maipia sabana raepera tesa-tesa rapatolele nu anaguruKu hitu.

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Suro-Suro 15:14

I Simon Petrus dako notentei ka kita tove nu Alatala ka tona ledo toYahudi. Lako ri pamulana, Alatala nompekirika ira. PatujuNa, rapelisiNa lako nte ira tona majadi todeaNa.

Suro-Suro 18:10

sabana Yaku nomporoa komiu. Nee maeka, ledo ria saitoa tona mamala movia anu nadaa ka komiu, apa ri ngata hitu nadea todeaKu.”

Suro-Suro 22:14

Naupu haitu, niulikana yaku, ‘Alatala anu nipetupu ntotuata nggaulu, nompelisi iko ala musani anu nipodotaNa. NipelisiNa iko ala mukita i Yesus, Batua nu Alatala anu nangoseaka dotaNa, bo ala muepe mboto suara i Yesus.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

2 Tesalonika 2:13

Jadi, sampesuvu-sampesuvu nipotove i Pue, masipato kami masaro manguli tarima kasi ka Alatala sabana komiu. Sabana, Alatala nompelisi komiu lako ri ulu jadi ala komiu rapakasalamaNa. Komiu nipakasalama ante kuasa Nosa Gasa anu nombabaliki komiu majadi todea gasa nu Alatala, bo komiu nipakasalama sabana pomparasayamiu pepatuduki nakana.

Ibrani 13:20

Alatala nompakatuvu mpanjili Tuputa Yesus lako ri kamateNa. Jadi Ia najadi Topoevu nakuasa anu nompoevu kita bimba-bimbaNa. RaaNa nipatiti nompakaasa pojanji nu Alatala ante kita, bo pojanji haitu rapake sampe ri kasae-saena. Kuperapi Alatala, puna katuvua nabelo, mompakagana pura-pura anu nabelo niparaluumiu, ala rapakulemiu movia dotaNa. Kuperapi Ia manggeni komiu movia anu nipokonoNa ante petulungi i Yesus Kristus. Iamo masipato ratoiyata bo rabilata sampe ri kasae-saena. Amin!

1 Petrus 2:10

Bara ipia komiu ledo todeaNa, tapi sii-sii komiu najadi todeaNamo. Bara ipia komiu ledo nipoasi mataNa, tapi sii-sii nirasaimiumo asi nu mataNa!

1 Petrus 2:25

Tempo bara ipia, komiu mpo bimba-bimba nasalandalamo. Tapi sii-sii komiu nipopanjilimo nte Topoevu anu nombajagai katuvumiu.

1 Petrus 5:4

Bo tempo i Kristus, Topoevu Nopoko, makava mpanjili ri dunia, radekeiNa ka komiu tambo, haitumo bagia ri kuasaNa bo kaogeNa anu ledo maupu-upu.

Pompakita 3:20

Peintamo! Hitumo Yaku neangga nombatanede-nede ri vamba. Ane maria tona mangepe suaraKu bo mombabuka vamba, Yaku mesua nte ia bo mangande mosanggani-nggani ante ia.