Yohanes 10:12 - Kaili Ledo

¹² Tona nigaji anu ledo topoevu bimba bo ledo muni tupu nu bimba, ane rakitana asulaku makava mombaraga bimba-bimba, aga rapalaikana bimba-bimba haitu apa ledo bimbana mboto. Jadi bimba haitu raraga bo rasaka nu asulaku sampe masimpotare.

Yohanes 10:12 Iomraidhean Croise

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Matius 7:15

“Komiu kana mainga nte tona nanguli karora nabi tano aga nodava. Ira nakava nte komiu netibelo rara eva bimba nanondo, tano rara ntaira nadaa mpuu eva asulaku nasoa.

Yohanes 10:13

Tona nigaji haitu mangova malai sabana ia aga nigaji. Ledo rapotovena bimba-bimba haitu.

Yohanes 10:2

Tapi topoevu bimba-bimba haitu, nesua ri bobaa nu gimpu.

Yohanes 10:3

Topojaga gimpu mombabuka bobaa ka ia, bo bimba-bimba haitu mombatalingai suarana ane rapokiona sangara sangu-sangu. Bo rakenina ira hau ri savalikuna.

Suro-Suro 20:29

Nisaniku malai yaku lako ri sii, kana makava tona nadaa anu mompakasusa todea anu nipiaramiu, nasimbayu mpo asulaku makava mombabaga bimba.

1 Timotius 3:3

Ia ledo tolangu, bo ledo toposibaga. Tapi ia kana nalusu rarana bo natuvu nosinggabelo. Ia ledo muni aga nadoko ka doi.

1 Timotius 3:8

Ivesia muni tona anu raanggataka majadi topotulungi pakeni ntodea topomparasaya. Ia kana nabelo pokaingguna bo nanoa rarana, ledo nadoko doi bo ledo muni nabiasa gaga nanginu anu nepakalangu.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

Titus 1:7

Pakeni ntopomparasaya haitu topompasiayu todea nu Alatala. Jadi ia ledo novia pokainggu rasalai ntona. Ia ledo tona nalanga pekirina bara nasalisa narau, ledo topanginu, ledo toposibaga, bo ledo muni tona nadoko doi.

1 Petrus 5:2

ala komiu mompiara todea nu Alatala anu niparasayaka komiu, nasimbayu mpo topoevu nompiara bimba-bimbana. Piaramo ira ante damba rara, nangoseaka dota nu Alatala, nemo mpo tona nipasuu. Bo nee aga mangelo untu ka karomiu mboto, tapi tuimo pokarajaa haitu sabana komiu mpuu-mpuu madota mantulungi todea topomparasaya.

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.