Yohanes 1:51 - Kaili Ledo

⁵¹ Bo niuli i Yesus ka pura-pura ira, “Pariaramo tesaKu hitu, rakitamiu langi matebuka bo malaeka-malaeka nu Alatala manau bo mompene ri ngayoKu, Ana nu Manusia.”

Yohanes 1:51 Iomraidhean Croise

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 26:24

Yaku, Ana nu Manusia, kana mamate nangoseaka anu nitulisi riara Buku Gasa. Tapi mandasa mpuu tona mompobalu Yaku! Aginapa tona haitu ledo nipoanaka ntinana.”

Matius 3:16

Naupu nidiu, nesoremo i Yesus lako ri uve. Bo eva nisuka tempona haitu muni langi natebuka bo nikitaNa Nosa Gasa nu Alatala nolenje mpo tonji banggebodo nanau bo netuu nte Ia.

Matius 4:11

Naliu haitu, nalaimo Magau nu Seta lako nte i Yesus, bo nakavamo malaeka-malaeka nTupu mompatala Ia.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Matius 9:6

Tapi Kupopakita ka komiu Yaku, Ana nu Manusia, nakuasa ri dunia hitu nombaampungi dosa nu manusia.” Jadi nituduNa topunggu haitu, “Peanggamo! Anggataka ompa paturumu bo panjilimo!”

Markus 1:10

Tempo i Yesus neumba lako ri uve, kaliu-liu nikitaNa langi natebuka bo Nosa Gasa nu Alatala, nolenje mpo tonji banggebodo, nanau bo netuu nte Ia.

Markus 14:62

Nesanamo i Yesus, <>

Lukas 2:13

Sampesanika nadeamo roa nu malaeka neonga bo nombatoiya Alatala ivei:

Lukas 2:9

Sampesanika neongamo saito malaeka nu Alatala ri sinjorira, bo reme nu Alatala nombavanta ira. Nanggita haitu naeka mpuu ira.

Lukas 22:43

[Pade nakavamo saito malaeka lako ri suruga mompakaroso raraNa.

Lukas 22:69

Aga hitu Kuuli ka komiu: nompamula sii-sii Yaku, Ana nu Manusia monturo ri sabingga nggana nu Alatala anu Neliu KakuasaNa.”

Lukas 24:4

Tempo ira neangga ri sia bo da naingu rarara nompekirika kajadia haitu, sampesanika neongamo randua malaeka nu Alatala nopakea nenggila neangga ri sinjorira.

Lukas 3:21

Dopame i Yohanes nisuaraka riara ntarunggu, naria saeo ia nombadiu todea. Naupu todea nidiuna, i Yesus muni nidiuna. Tempo i Yesus nosambaya, natebukamo langi

Yohanes 1:50

Nanguli i Yesus ka ia, “Iko nomparasaya sabana niuliKu nikitaKu iko hamai ri puna kayu ara. Tapi kana mukita kajadia nabarakapa pade kajadia haitu.”

Yohanes 10:1

“Pariaramo tesaKu hitu. Ane tona aga nompene vala nesua riara gimpu bo ledo nesua ri bobaa, tona haitu topangangga bo topeago.

Yohanes 10:7

Sabana haitu, nanguli vaimo i Yesus ka ira, “Pariaramo tesaKu hitu! Yakumo hii bobaa rapesua nu bimba hau riara gimpu.

Yohanes 13:16

Pariaramo tesaKu hitu, batua ledo naogepa pade madikana. Ivesia muni tona nitudu ledo naogepa pade topetudu.

Yohanes 13:38

Nesana i Yesus, “Mpuu-mpuu iko madota mamate manjaliku Yaku? Pariaramo tesaKu hitu, dopame mototoroko manu ngena, talu-ngganimo iko mombasapu Yaku.”

Yohanes 14:12

Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Yohanes 16:20

Pariaramo tesaKu hitu, komiu motumangi-mangi mpojea manggita anu majadi nte Yaku, tapi baliKu ri dunia hitu madamba-damba. Raramiu masusa tapi kasusa raramiu mabali majadi madamba.

Yohanes 16:23

Tempo haitu, komiu domo mekutana nuapa-nuapa nte Yaku. Pariaramo tesaKu. Nuapa-nuapa raperapimiu lako nte TuamaKu sabana komiu nangoseaka Yaku, kana radekeiNa ka komiu.

Yohanes 21:18

Pariaramo tesaKu hitu, tempo iko da namuda iko mboto nompou kopemu bo hau ri umba-umba nipodotamu. Tapi ane matuamo iko, iko kana mombadekei palemu ratipunggu ntona ntanina, bo iko rakeni ntona hau ri ponturo anu ledo nipokonomu.”

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:5

Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

Yohanes 5:19

Jadi nanguli i Yesus ka pakeni ntoYahudi haitu, “Pariaramo tesaKu hitu. Yaku ledo mamala movia nuapa-nuapa nangoseaka dotaKu mboto, tapi anu nikitaKu lako nte TuamaKu, haitumo nipoviaKu. Nuapa-nuapa nipovia nTuamaKu, haitu muni Kupovia.

Yohanes 5:27

Bo nidekeiNa muni kuasa ka Yaku mombatangara manusia sabana Yakumo tona niuli Ana nu Manusia.

Yohanes 6:26

Nesanamo i Yesus, “Pariaramo tesaKu! Komiu nangelo Yaku sabana komiu nangande roti sampe nabosu. Ledo nisanimiu patuju ntanda nabaraka nipoviaKu haitu.

Yohanes 6:32

Nanguli i Yesus ka ira, “Pariaramo tesaKu, ledo i Musa bara ipia anu nombadekei kandea lako ri suruga ka komiu. Tapi TuamaKu anu mombadekei kandea mpuu lako ri suruga ka komiu.

Yohanes 6:47

Pariaramo tesaKu hitu, isema-sema nomparasaya Yaku, matuvu mabelo sampe ri kasae-saena.

Yohanes 6:53

Bo nanguli i Yesus ka ira, “Pariaramo tesaKu hitu, ane komiu ledo mangande isi karoKu, Ana nu Manusia, bo ledo manginu raaKu, komiu ledo ntoto matuvu mabelo.

Yohanes 8:34

Nesana i Yesus ka ira, “Pariaramo tesaKu hitu. Isema-sema novia dosa, iamo nipobatua nu dosa.

Yohanes 8:51

Pariaramo tesaKu hitu. Isema-sema mangoseaka tesaKu ledo mamate sampe ri kasae-saena.”

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Suro-Suro 10:11

Nikitana langi natebuka bo naria eva sabala kae nabini niloe ri sokina pata-njoki nateuluraka lako ri langi sampe ri tana.

Suro-Suro 7:56

Nanguli i Stefanus, “Peintamo! Nikitaku langi natebuka bo i Yesus, Ana nu Manusia neangga ri sabingga nggana nu Alatala ri suruga!”

2 Tesalonika 1:7

bo rakabasakaNa komiu lako ri kasusa nirasaimiu sii-sii, bo ivesia muni kami. RakabasakaNa pura kita tempo i Pue Yesus manau lako ri suruga mosanggani-nggani ante malaeka-malaekaNa nakuasa,

2 Tesalonika 1:9

Tona haitu rahuku nu Alatala sampe ri kasae-saena. Ira rapopogaa lako nte i Pue Yesus bo ledo rarasaira kaoge nu kuasaNa.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Yudas 1:14

I Henokh, muli kapitu-ntapina lako nte i Adam, nombaboto pehuku nu Alatala ka guru-guru mpodava gahaitu ivei: “Epemo! Tupu makava bara maipia ante monjobu-njobu malaekaNa

Pompakita 19:11

Naupu haitu nikitaku suruga natebuka. Riara suruga nikitaku sangu jara bula. Topesavi jara haitu nosanga “Tona Natutu bo Nanoa.” Ia Topotangara bo Topeeva nanoa.

Pompakita 4:1

Naupu haitu naria vai anu nipopakita ka yaku. Nikitaku sangu vamba natebuka ri suruga. Bo niepeku suara pamulana anu notesa ka yaku pangane, kamanggana mpo moni ntabue. Nangulimo suara haitu ka yaku, “Pompene tumai! Kupopakita ka iko anu majadi maliu anu nikitamu pangane.”