Yohanes 1:21 - Kaili Ledo

²¹ Bo nipekutanara vai ia, “Ane ivesia, isema tano komiu? Bara komiumo tu Nabi Elia?” Nesana i Yohanes, “Ledo.” Bo nekutana vaimo ira, “Bara komiumo tu nabi anu nijanji nu Alatala makava bara maipia?” Nesana i Yohanes, “Ledo muni.”

Yohanes 1:21 Iomraidhean Croise

Matius 11:14

Bo ane raparasayamiu anu nipopaisanira, rasanimiu i Yohanes hitu nasimbayu ante Nabi Elia, anu nibotora makava mpanjili.

Matius 16:14

Nesana ira, “Naria tona nanguli Komiumo i Yohanes Topediu. Naria muni sanu nanguli Komiu Nabi Elia, bo naria muni tona nanguli Komiu Nabi Yeremia atau nabi ntanina.”

Matius 21:11

Nesana todea nantuntuni Ia, “Iamo i Yesus, nabi lako ri ngata Nazaret ri bagia Galilea!”

Lukas 1:17

Ia majadi suro nu Alatala, naroso bo nakuasa mpo Nabi Elia nggaulu. Ia mompoposinggabelo ana-ana nte tuamara bo tona ledo nangoseaka Alatala rakenina mpanjili ri dala nakana. Pura-pura anu pangane rapoviana ala mompakasadia rara ntodea mantarima Alatala.”

Yohanes 1:22

Bo nanguli vaimo ira, “Ane ivesia, uli ka kami isema kakanana komiu ala mamala ratesa kami ka tona nantudu kami tumai. Kakanana isema komiu?”

Yohanes 1:25

Ira muni nompekutana ia, “Ane komiu ledo Magau Topepakasalama, ledo Nabi Elia, bo ledo muni nabi nijanji nu Alatala makava, nakuya tano komiu nombadiu tona? Ante kuasa isema?”

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 7:40

Nadea tona nangepe tesa i Yesus haitu bo naria sanu ira nanguli, “Natantumo Ia nabi anu nijanji nu Alatala nggaulu!”