Yohanes 1:19 - Kaili Ledo

¹⁹ Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 1:19 Iomraidhean Croise

Yohanes 1:7

I Yohanes nakava nosabi nompopaisani reme haitu, ala pura-pura manusia mamala momparasaya.

Yohanes 10:24

Bo nakavamo pakeni ntoYahudi nantagui Ia hamai. Nekutanamo ira, “Sampe maipia Iko mompakaingu kami? Ane Iko mpuu-mpuu Magau Topepakasalama anu nijanji nu Alatala, uli pakalanto ka kami!”

Yohanes 10:31

Nangepe tesaNa haitu, niala ntoYahudimo vatu raporempera i Yesus.

Yohanes 11:19

Jadi nadeamo toYahudi nakava nte i Marta bo i Maria mompakavoe rarara sabana sampesuvura i Lazarus namatemo.

Yohanes 2:18

Naupu haitu pakeni-pakeni ntoYahudi nangeva i Yesus bo nanguli, “Kabaraka nuapa rapoviaMu tandana Iko nakuasa nompopalai tona ivesia?”

Yohanes 2:20

Nanguli vai toYahudi, “Ba! Tona nokarajaa patapulu bo ono-mpae kasaena novia Banua nu Alatala hitu. Berimba Iko mamala mombabanguna mpanjili riara talu-eo?”

Yohanes 5:10

Sabana haitu, nangulimo pakeni-pakeni ntoYahudi ka tona nipakabelo haitu, “Eo hitu eo penonto. Nantuntuni Atura agama, ledo mamala iko mosimbuaka ompamu!”

Yohanes 5:15

Naupu sia, haumo tona haitu nte pakeni ntoYahudi bo nanguli, i Yesusmo nompakabelo ia.

Yohanes 5:16

Jadi nompamula lako ri kabelo ntona haitu, nieloramo dala mompandasa i Yesus, sabana nipakabeloNa tona nadua ri eo penonto.

Yohanes 5:18

Nangepe tesa i Yesus haitu, pakeni ntoYahudi nompasimbuku mpuu mangelo dala mompatesi Ia. Apa Ia ledo aga nombaliunaka atura-atura eo penonto tapi niuliNa muni Alatala TuamaNa mboto. Ivesiamo Ia nompakasimbayu karoNa ante Alatala.

Yohanes 6:41

Nangepe tesa haitu nongutu-ngutumo toYahudi ri sia, sabana i Yesus nanguli, “Yakumo hii kandea anu nanau lako ri suruga.”

Yohanes 6:52

Nangepe tesa i Yesus haitu, nosinjanai mbotomo toYahudi. Nosipekutanamo ira, “Berimba tona haitu mamala mombadekei isi karoNa rakandeta?”

Yohanes 7:1

Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Yohanes 7:11

Ri posusa haitu, pakeni-pakeni ntoYahudi nangelo Ia. Ira nekutana-tana, “Ri umba tano Ia?”

Yohanes 7:15

Pakeni ntoYahudi nokumaa mpuu nangepe pepatuduki i Yesus, bo nanguli, “Hee! Nakuya sampe nadea mpuu nisaniNa, tano mai Ia ledo nosikola?”

Yohanes 8:22

Nangepe haitu, nosiulikamo pakeni ntoYahudi, “Bara Ia mopatuju mompatesi karoNa mboto, sabana niuliNa kita ledo mamala hau ri ponturo rakalauNa.”

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Yohanes 8:57

Nanguli vaimo toYahudi, “Ba! Iko tu dopa rakavana lima-pulu mpae umuruMu! Berimba sampe Iko nanguli nikitaMumo i Abraham, totua kami nggaulu?”

Suro-Suro 13:25

Napara pokarajaana maupu, i Yohanes nanguli ka todea, ‘Nantuntuni panggavamiu, isema yaku? Yaku hii ledo Magau nipopeamiu! Tapi pariaramo! Magau haitu makava maupu pokarajaaku hitu. Ia nelabi kaogeNa pade yaku, sampe nau aga mombavole lui sapatuNa, ledo masipato yaku!’ ”

Suro-Suro 19:4

Nanguli i Paulus, “I Yohanes nombadiu tona, tandana najeamo ira lako ri dosara. Bo ia muni nompatuduki ka todea ira kana momparasaya saito tona makava maliu ia, haitumo i Yesus.”

1 Yohanes 1:5

Hitumo kareba niepe kami lako nte i Yesus bo rapatolele kami ka komiu: Alatala reme bo ledo ntoto naria kalandana nte Ia.