Yohanes 1:14 - Kaili Ledo

¹⁴ Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:14 Iomraidhean Croise

Matius 1:16

i Yakub nomulika i Yusuf berei i Maria, bo i Maria noanaka i Yesus anu niuli i Kristus, haitumo Magau Topepakasalama anu nijanji nu Alatala.

Lukas 2:11

Bongina hitu ri ngata pompoanaka Magau Daud, nipoanakamo saito magau mompakasalama komiu. Iamo i Pue, anu nipelisi nu Alatala.

Lukas 2:7

Ia noanaka saito ngana langgai, ana lumbua. Ngana haitu nibunguna ante kae lampi, pade nidulina riara potande kandea binata, sabana ledo ria paturu ka ira ri banua pesaira haitu.

Lukas 9:32

Tempo haitu, i Petrus bo roana randua naluru namonjo. Nematapa ira, nikitara i Yesus nareme bo randua tona neangga ri sinjoriNa.

Yohanes 1:1

Ri lamba pamulana naria mamimo Tesa nu Alatala. Tesa haitu nosinggani-nggani ante Alatala, bo Ia nasimbayu nte Alatala.

Yohanes 11:40

Nanguli i Yesus ka i Marta, “Nuapa niuliKu ka iko pangane? Ane muparasaya, mukita kaoge kuasa nu Alatala!”

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 14:9

Nesanamo i Yesus, “Ai, Filipus! Nasaemo Yaku nosanggani-nggani ante komiu. Dopa nisanimu isema Yaku? Isema-sema nanggita Yaku, nikitana munimo TuamaKu. Jadi berimba sampe niulimu ivesia, ‘Popakita ka kami TuamaMiu’?

Yohanes 17:22

NidekeiKu ka iramo kaoge nidekeiMiu ka Yaku ala ira mosangu rara nasimbayu mpo Kita muni nosangu rara.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 3:18

Isema-sema nomparasaya Ana nu Alatala haitu ledo rahuku. Tapi isema-sema ledo nomparasaya, nihuku nu Alatalamo sabana ledo niparasayara Ana nu Alatala saito-itoNa haitu.

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Yohanes 8:32

Bo ane ivesia, rasanimiumo pepatuduki nakana sampe komiu rakabasaka lako ri pobatuamiu.”

Suro-Suro 13:33

haitu nipakadupaNamo ka kita tempo i Yesus nipakatuvuNa mpanjili. Naria nitulisi riara Mazmur karanduana ivei: ‘Ikomo AnaKu, eo hitu Yaku najadi TuamaMu.’ Mazmur 2:7

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

Roma 9:5

Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!

1 Korintus 15:47

Manusia paratama haitu nipajadi lako ri tana bo nonturo ri dunia hitu. Tapi i Kristus, anu nireke i Adam karanduana, nopuna lako ri suruga.

2 Korintus 12:9

Tapi niuliNa ka yaku, “Nemo. Nipotoveku iko, bo haitu naganamo ka iko. Apa ane nalente iko, kuasaKu malanto mpuumo riara nggatuvumu.” Jadi, haitumo sampe yaku nadamba nangoe anu nompopakita kalenteku, apa ane yaku nalente, kuasa i Kristus nokarajaa riara ntaiku.

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Kolose 1:19

Dota nu Alatala mboto sampe pura-pura ingguNa bo kuasaNa naria muni nte AnaNa, bo ledo ria nakura.

Kolose 2:3

I Kristusmo topompopaisani pura-pura noto bo pangisani nu Alatala anu dopa nisani ntona.

Kolose 2:9

Apa nau i Kristus najadi manusia, pura-pura inggu bo kuasa nu Alatala naria riara karoNa bo ledo nakura nuapa-nuapa.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Ibrani 1:3

AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.

Ibrani 1:5

Nalantomo kaoge i Yesus apa ledo ria sanggania Alatala notesa ka malaekaNa ivei: “Ikomo AnaKu, eo hitu Yaku najadi TuamaMu!” Mazmur 2:7 Bo ledo ria sanggania Alatala nanguli ka malaekaNa ivei: “Yaku majadi TuamaMu, bo Iko majadi AnaKu.” 2 Samuel 7:14 Tapi niuliNa ivehaitu ka AnaNa mboto.

Ibrani 10:5

Haitu sampe tempo i Kristus nakava ri dunia hitu, Ia nanguli ka Alatala ivei: “O Pue Alatala, ledo nipodotaMiu pesomba bo pedekei, Ledo nipokonoMiu pesomba nipalabu bo pedekei-pedekei nidekei raposompo dosa. tapi naria karoKu mboto nipakasadiaMiu.

Ibrani 2:11

I Yesus nompegasa katuvuta nadosa. Kita anu nipegasaNa bo Ia anu nompegasa kita nosangu Tuama. Haitu sampe i Yesus ledo naeya mataNa nanguli kita sampesuvuNa.

Ibrani 5:5

Ivesia muni i Kristus. Ledo nianggatakaNa mboto karoNa majadi Pakeni nTopanggeni Pesomba anu nibila. Tapi Ia nipelisi bo nianggataka nu Alatala. Alatala nanguli ivei: “Ikomo AnaKu, apa eo hitu Yaku najadi TuamaMu.” Mazmur 2:7

1 Yohanes 4:14

Ledo aga haitu. Kami ana-anaguru i Yesus nikita kamimo Ia, Ana nu Alatala, bo kami nosabiki Iamo nitudu nTuamaNa Alatala tumai ri dunia majadi Topompakasalama manusia.

1 Yohanes 4:9

Alatala nompopaisani toveNa ka kita ivei: nituduNa AnaNa saito-itoNa tumai ri dunia ala kita mamala matuvu mabelo sampe ri kasae-saena.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.

Pompakita 19:13

Baju ndoe nipasuaNa nilome ri raa. Bo Ia nidae “Tesa nu Alatala.”

Pompakita 21:3

Bo niepeku suara namangga lako ri Gadera Kamagaua nu Alatala haitu nanguli, “Pariaramo! Sii-sii ponturo nu Alatala nosanggani-nggani ante manusia. Ia monturo ri tatangara bo ira majadi todeaNa. Bo Ia mboto mosanggani-nggani ante ira bo majadi Alatala rasombara.