Yakobus 4:9 - Kaili Ledo

⁹ Komiu kana mpuu-mpuu manjoso raramiu bo motumangi masusa rara mantoraka dosamiu. Ledo mabelo komiu mongiri bo madamba, kana masusa rara bo motumangi.

Yakobus 4:9 Iomraidhean Croise

Matius 21:41

Nesana ira, “Natantumo rapatesina ira nadaa haitu bo rabolina taluana ka tona ntanina anu madota mombadekei ka ia bagiana lako ri asele ntalua ri tempona.”

Matius 5:4

Nabelo mpuumo tona nabuku rarana, sabana Alatala mompakavoe rarana.

Lukas 16:25

Tapi nesana i Abraham, ‘Toramo anaku, tempo iko ri dunia, nikavamu puramo belona, tapi i Lazarus aga nanggava anu nadaa. Sii-sii ia nipakadamba, bo iko nipandasa.

Lukas 6:21

Nabelo mpuu komiu anu naara sii-sii, sabana komiu rapakabosu. Nabelo mpuu komiu nasusa rara sii-sii, sabana raramiu rapakasana.

Lukas 6:25

Mandasa mpuu komiu anu nabosu sii-sii, sabana komiu maara ngena. Mandasa mpuu komiu anu nadamba sii-sii, sabana komiu masusa bo motumangi ngena.