Yakobus 4:1 - Kaili Ledo

¹ Nakuya sampe komiu nosinjanai bo nosinggarau? Posinjanai bo posinggarau neumba lako ri dota raramiu anu nadaa. Dota rara nadaa haitu nosieva riara ntaimiu sampe nanggeni komiu novia nadaa.

Yakobus 4:1 Iomraidhean Croise

Matius 15:19

Apa lako riara ntai neumba mpengaya pekiri nadaa, anu nanggeni tona nepatesi, nobualo, nogau nabuga, nangangga, nosabi dava, bo nesalai.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Roma 7:23

Tapi ledo nioseakaku atura nu Alatala sabana naria kuasa ntanina nombadagi yaku. Riara ntaiku, yaku madota mangoseaka atura nu Alatala, tapi kuasa nu dosa riara nggatuvuku nosibali ante pekiri riara ntaiku, sampe yaku nipobatua kuasa nu dosa haitu.

Roma 7:5

Bara ipia, dopame kita nomparasaya i Yesus, kita natuvu nangoseaka dota rarata anu nadaa. Anu nitagi nu Atura agama, aga haitumo nipodotata rapovia. Jadi, nipaketa karota novia dosa sampe kita masipato rahuku mate bo rapopogaa lako nte Alatala.

Roma 8:7

Ane pekiri ntona nikuasai nu dota rara nadaa, ira nangeva Alatala. Ledo nioseakara parentaNa sabana ledo nipakulera.

Galatia 5:17

Apa dota rara nadaa nosieva nte dota nu Nosa Gasa. Rongaya haitu nosieva sampe kita ledo nasaro novia anu nipodotata mboto.

Kolose 3:5

Sabana haitu, kabasakamo pokainggu-pokainggu anu nopuna lako ri dunia nadaa hitu. Nee mosipogau ante tona ledo bereimiu mboto, nee movia pokainggu anu ledo masipato, nee mangoseaka dota raramiu nabuga bo dota-dota ntanina anu nadaa. Bo nee muni maoge rara manggava melabipa pade tona ntanina, sabana anu nipooge rarata haitumo najadi anu nisombata, bo haitu nasimbayu nte metupu nte tupu ntanina.

2 Timotius 2:23

Nee mupesua potesa ntodoyo anu ledo nisanira pepatuduki nakana. Nisanimu mboto tesa ivehaitu aga mompopeumba posinjanai.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

Titus 3:9

Tapi naria muni tona aga nosibali-balika anu ledo ria gunana, bo notesaki sunju muli nu muli ntotua nggaulu anu nikarara mboto. Ira aga nosinjanai bo nosinggarau ka atura-atura agama. Petalilikamo potesa-tesa ivehaitu, apa ledo ntoto naria gunana bo ledo nanggeni belo.

Yakobus 1:14

Pura-pura tona nipesori movia anu nadaa tempo ia nitaja bo nikeni dota pompekirina mboto anu nadaa.

Yakobus 4:3

Tapi nau damo niperapimiu, ledo muni nikavamiu, sabana patujumiu nerapi nasala. Komiu aga nomperapi anu mompakasana karomiu mboto.

1 Petrus 1:14

Komiu kana matuvu mpo ana-ana nu Alatala anu natundu nte Ia. Nee mangoseaka dota raramiu nadaa anu nombakuasai komiu tempo komiu da natuvu ri kalandana.

1 Petrus 2:11

Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

2 Petrus 3:3

Anu nopoko kana ratoramiu, ri tempo napara kaupu nu dunia kana meumba tona nikuasai dota rarara mboto anu nadaa. Ira mompongeika komiu