Yakobus 3:9 - Kaili Ledo

⁹ Ante tesata kita nombatoiya Tuamata Alatala, bo ante tesata muni kita nopindasi singgamanusiata anu nipajadi nu Alatala nangoseaka lenjeNa mboto!

Yakobus 3:9 Iomraidhean Croise

Matius 26:74

Bo nopinda vaimo i Petrus bo nanguli, “Ledo ntoto nisaniku tona haitu!” Bo eva nisuka, nototorokomo manu.

Matius 5:44

Tapi Kuuli ka komiu, potovemo balimiu bo posambayaka tona nompandasa komiu.

Suro-Suro 2:26

Haitumo sampe nadamba raraku, bo sumbaku nombasovadaka tesa-tesa petoiya. Bo karoku muni manjarumaka kuasaMiu,

Roma 3:14

Ira nepindasi bo nombasalai tona ntanina. Mazmur 10:7

1 Korintus 11:7

Ledo masipato langgai mombabonggo balenggana tempo nosambaya atau nompasimbayu tesa nu Alatala, sabana ia nipajadi mpo polenje nu Alatala mboto ala kaoge nu Alatala rakita. Tapi mombine nipajadi ala kaoge nu langgai rakita.

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Yakobus 1:27

Tapi poagama nakana, anu ledo rasalai nTuamata Alatala, haitumo nantulungi ngana-ngana pailu bo timbala-timbala nasusa, bo nombajagai karo mboto ala ledo mangoseaka pokainggu nadaa nipovia ntona anu ledo nosisani nte Alatala.

Yakobus 3:10

Lako ri sumba nesuvu posukuru bo tesa-tesa pepindasi. Sampesuvu-sampesuvuku, ledo masipato dilata mombasovadaka singgani-nggani anu nabelo bo anu nadaa.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.