Yakobus 3:6 - Kaili Ledo

⁶ Ivesia muni tesa nisovadaka nu dilata. Tesata nasimbayu kadaana ante apu. Dilata nompopesuvu mpengaya-ngaya anu nadaa, nelabipa pade sipa-sipa ntanina ri karota. Tesa-tesa nisovadaka nu dilata nasimbayu mpo apu lako ri narakaa nompakadaa pura-pura katuvuta.

Yakobus 3:6 Iomraidhean Croise

Matius 12:24

Tapi tempo toFarisi nangepe tesa ntodea haitu, nesana ira, “Bai! Kuasa ntona haitu lako nte i Beelzebul, Magau nu Seta. Haitu sampe Ia nakuasa nompopalai seta-seta.”

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Markus 7:15

Ledo ria sangaya nuapa-nuapa lako ri savalikuna mesua riara ntai manusia mamala mompakaruto ira. Tapi pokainggu nadaa anu nopuna lako riara ntai nu manusia, haitumo nompakaruto ira.

Lukas 16:24

Nongaremo tokalumana haitu, ‘Tuamaku, Abraham, poasimo yaku! Tudumo i Lazarus mombalome koya mpalena ri uve pade tumai mombabanggasi dilaku, nandasa mpuu yaku ri mata nu apu hitu.’

Suro-Suro 20:30

Lako nte komiu mboto meumba tona mompatuduki anu ledo nakana. Rapoviara ivesia ala topangoseaka i Yesus domo mangoseaka dala nakana, tapi mangoseaka iramo.

Suro-Suro 5:3

Nanguli i Petrus ka ia, “Ananias, nakuya iko nompalamba Magau nu Seta nombakuasai raramu sampe nidavaimu Nosa Gasa nu Alatala? Iko nombaboliaka doimu sagaa ka iko mboto.

Suro-Suro 6:13

Nikenira muni sabi-sabi mpodava ri ngayo ntoPolibu haitu mombatesa i Stefanus anu ledo nakana-kanaka. Sabi-sabi haitu nanguli, “I Stefanus nasaro nanjalai Banua nu Alatala anu nagasa, bo nasaro muni nisalaina Atura-atura nu Alatala anu nipapola Nabi Musa ka kita.

Titus 1:11

Tona ivehaitu kana ratagi, nee mpuu mudekei ira mompatuduki! Apa nadea pobanua ntona naingu nangepe pepatudukira anu ledo masipato. Patujura mompatuduki aga manggava doi ante akala ledo nabelo.

Yakobus 2:7

Tona nakalumanamo nanjalai sanga anu nipakaogeta, haitumo sanga nTuputa!

Yakobus 3:7

Pura-pura binata mamala rapakanondo, bara tonji, bara binata nenjoyo, bara bau riara nu uve. Bo naria mami tona natau nompakanondo ira.

2 Petrus 3:3

Anu nopoko kana ratoramiu, ri tempo napara kaupu nu dunia kana meumba tona nikuasai dota rarara mboto anu nadaa. Ira mompongeika komiu

3 Yohanes 1:10

Ane makava ri situ yaku, kana kupakalanto ka komiu pura-pura anu nipoviana, sabana poviana haitu ledo ntoto nabelo. Nadea mpuu tesa dava niulina nompakadaa sanga kami. Bo ledo aga haitu. Tempo roa-roata sampomparasaya nakava nanggeni Kareba Belo, ledo nadota ia nantarima ira ri banuana. Bo nitagina muni topomparasaya ntanina mantarima ira. Isema ledo nantuntuni tesana haitu, nipopalaina lako ri kasiromu ntodea topomparasaya, ledo nipalogana ira mantuntuni podade.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:14

Nipoviana tanda-tanda haitu ante kuasa nidekei nu binata pamulana ka ia ala mombabagiu tona nonturo ri dunia. Nituduna ira movia bo mompopeangga sangu pinoito nambaso nolenje mpo binata pamulana, anu nitimbe pakaoga tapi ledo namate.

Pompakita 18:23

Domo maria reme poindo rakita riarana, bo domo raepe suara boti langgai bo boti mombine madamba-damba. Topopagoli-topopagoli lako ri ngata haitu najadi tomaoge ri dunia. Bo ante pangisani nadaa, tupu ngata haitu nombabagiu pura-pura manusia ri dunia.”

Pompakita 19:20

Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.