Yakobus 3:4 - Kaili Ledo

⁴ Ivesia muni kapala rantasi. Nau nambaso mpuu kapala bo narimboso poiri, kapala haitu mamala ragoliaka nu guli nantuntuni dota ntopompajala kapala haitu.

Yakobus 3:4 Iomraidhean Croise

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Matius 8:24

Tempo ira nosakaya sampesani nakavamo poiri narimboso nompakambaso balumba ri rano. Sakidepa natala sakayara nitompe balumba mbaso. Tempo haitu i Yesus naluru namonjo.

Suro-Suro 27:11

Tapi i Yulius ledo nipangalana tesa i Paulus, nipangalanapa tesa ntopompajala kapala bo tupu nu kapala pade tesa i Paulus.

Yakobus 3:3

Anu nakodi namala nombakuasai anu nambaso. Kita nombadika sama nakodi ri nganga jara mbaso ala raoseakana dotata bo kita namala nomparenta jara haitu.

Yakobus 3:5

Ivesia muni ante dilata. Naupa dilata nakodi, namovo mpuu pekeniakana! Nau pangale naluo mpuu, namala rakande nu apu sakide.