Yakobus 3:1 - Kaili Ledo

¹ Sampesuvu-sampesuvuku, nee madea komiu madota majadi guru agama, apa nisanimiu mantamopa potangara nu Alatala ka guru pade ka tona ntanina.

Yakobus 3:1 Iomraidhean Croise

Matius 10:24

Anaguru ledo naogepa pade guruna. Batua ledo naogepa pade madikana.

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Matius 23:14

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Komiu nombabagiu timbala-timbala ala raalasimiu banuara. Bo nitabuniakamiu pokainggumiu nadaa haitu ante nosambaya pakandoe. Haitu sampe mantamo mpuu pehuku rapambela ka komiu bara maipia!

Matius 9:11

Sampanggita haitu, nangulimo bara sako-ndua toFarisi ka anaguru i Yesus, “Nakuya gurumiu nangande nosanggani-nggani ante topesingara balasitee bo tona nadosa?”

Lukas 16:2

Jadi nipokiona topompasiayu haitu bo niulikana, ‘Natantu mpuu pokainggumu niepeku! Dekei kakumo buku nu doi pokarajaamu nompasiayu kakalumanaku. Domo iko mompasiayu kakalumanaku!’

Lukas 6:37

“Nee rapakasalamiu tona ala komiu ledo rapakasala nu Alatala. Nee mompakatantu sala ntona kana rahuku, ala komiu ledo rahuku nu Alatala. Ampungimo tona ntanina ala komiu muni raampungi nu Alatala.

Yohanes 3:10

Nesana i Yesus, “Iko tu guru ntoYahudi anu nibila. Berimba bo ledo nisanimu?

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

2 Korintus 5:10

Apa kita pura-pura kana mantingayo i Kristus bara maipia ala ratangaraNa. Maupu ratangaraNa, simbo rakavata anu nipakatantu nangoseaka anu nipoviata tempo kita natuvu ri dunia hitu, bara povia nabelo bara povia nadaa.

Efesus 4:11

Iamo nompalele pedekei-pedekei ka kita. Sanu nidekeikaNa pompakule majadi suro, sanu nidekeikaNa pompakule majadi nabi anu mompasimbayu tesa nitarimana lako nte Alatala. Sanu muni nidekeikaNa pompakule majadi topompatolele Kareba Belo, bo ntanina nidekeikaNa pompakule manggeniaka bo mompatuduki todea topomparasaya.

1 Timotius 1:7

Ira madota majadi guru Atura agama, tapi ira mboto ledo nisanira batua nu tesa-tesa nipakera. Nisarumakara ira napande nompakalanto batuana Atura agama, tano ledo nisanira patujuna.

1 Timotius 2:7

Bo haitumo sabana yaku nianggataka nu Alatala majadi suroNa. NituduNa yaku hau mompatolele Kareba Belo ka tona ledo toYahudi. NituduNa yaku mompatuduki pepatuduki nakana ka ira ala raparasayara i Yesus. Anu nitesaku hitu nakana mpuu, yaku ledo nodava!

2 Timotius 1:11

Yaku nianggataka nu Alatala majadi suroNa ala mompatolele bo mompatuduki Kareba Belo haitu ka tona ledo toYahudi.

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

Yakobus 1:16

Sampesuvu-sampesuvu nipotoveku, nee rabagiu! Alatala ledo nompesori kita movia anu nadaa.

Yakobus 1:19

Sampesuvu-sampesuvu nipotoveku, pariaramo pakabelo-belo tesaku hitu. Kita kana masadia mangepe, tapi nee kaliu-liu motesa, bo nee masalisa marau.

Yakobus 3:10

Lako ri sumba nesuvu posukuru bo tesa-tesa pepindasi. Sampesuvu-sampesuvuku, ledo masipato dilata mombasovadaka singgani-nggani anu nabelo bo anu nadaa.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.