Titus 1:3 - Kaili Ledo

³ Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

Titus 1:3 Iomraidhean Croise

Markus 1:15

NiuliNa, <>

Markus 13:10

Bo Kareba Belo kana rapotolele ka pura-pura manusia ri dunia dopame makava kaupu nu dunia.

Markus 16:15

NiulikaNa ira, <

Lukas 1:47

bo nadamba mpuu raraku, sabana Alatalamo Magau nompakasalama yaku.

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 17:26

Lako ri saito manusia nipopomuliNa pura-pura todea ri dunia bo nituduNa ira hau monturo ri njumangu dunia. Lako ri pantepuuna nipakatantuNa ngata mbana raponturora, bo nipakatantuNa kasaena ira matuvu ri ngata haitu.

Roma 15:19

bo sabana kabaraka-kabaraka bo tanda-tanda nipokumaaka nipoviaku ante kuasa Nosa Gasa. Lako ri ngata Yerusalem sampe ri tana Ilirikum, nipatoleleku pura-pura Kareba Belo i Yesus Kristus ka tona.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

Roma 16:26

Tapi ri tempo sii-sii, nia haitu nipopaisani ka kita riara buku nitulisi nu nabi-nabi nggaulu. Bo Alatala anu natuvu sampe ri kasae-saena, nantudu ala niaNa haitu rapopaisani ka tona ri umba-umba ala pura-pura manusia mamala momparasaya bo matundu nte i Kristus.

Roma 5:6

Iveimo tove nu Alatala ka kita: ri tempo nipakatantu nu Alatala, tempo kita ledo nompakule mangoseaka dotaNa, i Kristus namate nanjambei kita anu ledo natundu nte Alatala.

1 Korintus 9:17

Ane rapana dotaku mboto mompatolele Kareba haitu, tantu masipato yaku manggava tambo. Tapi ledo ivesia yaku. Yaku nompatolele Kareba Belo, ledo lako ri dotaku mboto. Bara kupodota bara ledo, kana kupatolele Kareba Belo apa haitumo pokarajaa niparasaya nu Alatala ka yaku.

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.

Efesus 1:10

ri tempo nipakatantuNa. Iveimo niaNa haitu: pura-pura anu naria ri suruga bo ri dunia rapoposinggabeloNa lako ri posangu rarara nte i Kristus, bo i Kristus mombabalenggai pura-pura.

Efesus 2:17

Haitumo sabana i Kristus nakava nompatolele kareba posinggabelo ka kita pura-pura, haitumo, ka komiu tona ledo toYahudi anu nakavao lako nte Alatala bara ipia, bo muni ka kami toYahudi anu napara nte Alatala.

Filipi 1:13

Pura-pura tantara anu nombajagai banua nu Magau Mbaso bo pura-pura tona ntanina ri sii, nisanira yaku hii nitarunggu sabana yaku nokarajaa ka i Kristus.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.

Kolose 1:6

bo natolele ri umba-umba ri dunia sampe da kapantambai-mbaina kadea ntona nomparasaya i Yesus bo katuvura nipakabaru. Ivesia muni najadi ante komiu, nompamula lako ri tempo niepemiu Kareba Belo bo mpuu-mpuu nirasaimiu kabelo nu Alatala.

1 Tesalonika 2:4

Kami ledo notesa aga mompakadamba rara manusia. Kami notesa mompakadamba rara nu Alatala, sabana Iamo nomparesa rara ntai kami, bo Iamo nombareke kami masipato mompatolele Kareba Belo.

1 Timotius 1:1

Timotius nipotoveku; iko mpuu-mpuu nirekeku anaku mboto sabana kita sampomparasaya: Sura hitu lako nte yaku Paulus, suro i Yesus Kristus. Yaku najadi suroNa nangoseaka parenta nu Alatala anu nompakasalama kita, bo nangoseaka parenta i Yesus Kristus anu nisarumakata. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

1 Timotius 1:11

Pepatuduki nakana haitu naria riara Kareba Belo anu niparasaya ka yaku mompatolelena, haitumo Kareba Belo lako nte Alatala. Alatala naoge bo masipato ratoiya.

1 Timotius 2:3

Nabelo ane kita mosambaya ivesia, bo nipokono nu Alatala Topompakasalama kita.

1 Timotius 4:10

Haitu sampe kita nompasimbuku mokarajaa ntamo mompatuduki pepatuduki nakana, sabana kita nanjarumaka Alatala anu Natuvu sampe ri kasae-saena. Iamo nompakule nompakasalama pura-pura manusia, nelabipa tona nomparasaya Ia.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

Titus 2:10

Ledo muni mamala ira mompelea mbara-mbara nu madikara, tapi ira kana manoa rarara ala rasani nu madikara ira mpuu-mpuu namala raparasaya. Ane batua anu najadi topomparasaya matuvu ivesia, todea manggita pokainggura nabelo bo mantoiya pepatuduki nakana anu notesaki Alatala, Topompakasalama kita.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

Pompakita 14:16

Jadi tona nonturo ri bavo nggulimu haitu nompake arena bo nisombenamo isi dunia.