Matius 9:5 - Kaili Ledo

⁵ Natantumo ledo nakaja manguli ‘Dosamu niampungimo.’ Nakajapa manguli ‘Peanggamo bo polipamo!’

Matius 9:5 Iomraidhean Croise

Matius 9:2

Hamai naria bara sako-ndua tona nombakova roara hau nte i Yesus. Roara haitu napunggu bo naturu ri ompa paturuna. Nanggita karoso nu pomparasayara, nangulimo i Yesus ka topunggu haitu, “AnaKu, pakaroso raramu. Dosamu niampungimo.”

Matius 9:6

Tapi Kupopakita ka komiu Yaku, Ana nu Manusia, nakuasa ri dunia hitu nombaampungi dosa nu manusia.” Jadi nituduNa topunggu haitu, “Peanggamo! Anggataka ompa paturumu bo panjilimo!”

Markus 2:5

Tempo i Yesus nanggita karoso pomparasayara haitu, niulikaNamo topunggu haitu, <>

Lukas 5:20

I Yesus nanggita karoso pomparasayara, jadi niuliNamo, “Sampesuvu, dosamu niampungimo.”

Lukas 7:48

Pade nanguli i Yesus ka mombine haitu, “Dosamu niampungi puramo.”

Suro-Suro 3:16

Jadi sampesuvu-sampesuvu, nikitamiu topunggu hitu bo nisanimiumo ia. Ia nomparasaya i Yesus, jadi i Yesus nompakaroso kadana. Nikitamiu mboto, ia nabelo mpuumo sabana pomparasayana i Yesus.

Suro-Suro 9:34

Nanguli i Petrus ka ia, “Eneas, i Yesus Kristus mompakabelo iko. Pembangumo, pasiayumo paturumu.” Naupu haitu kaliu-liu nabelomo i Eneas bo nembangu mpuumo ia.