Matius 9:11 - Kaili Ledo

¹¹ Sampanggita haitu, nangulimo bara sako-ndua toFarisi ka anaguru i Yesus, “Nakuya gurumiu nangande nosanggani-nggani ante topesingara balasitee bo tona nadosa?”

Matius 9:11 Iomraidhean Croise

Matius 11:19

Yaku, Ana nu Manusia nakava nangande bo nanginu uve anggur eva tona biasa, tapi niuli ntona, ‘Peintamo tona haitu! Nadoko, nalangu, vega ntopesingara balasitee bo vega ntodosa!’ Tapi nau ivesia, nisanita kanoto nia nu Alatala sabana aselena nikita ri pokainggu ntopangoseaka Ia.”

Matius 5:46

Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

Matius 9:10

Naupu haitu i Yesus ante anaguruNa hau nangande ri banua i Matius. Bo nadea topesingara balasitee bo tona ntanina anu nireke ntoYahudi tona nadosa, nakava nangande nosanggani-nggani ante ira.

Markus 2:16

Tempo guru-guru agama anu nangoseaka pepatuduki ntoFarisi nanggita i Yesus nangande nosanggani-nggani ante topesingara balasitee bo tona nadosa, niulikara anaguru i Yesus, <>

Lukas 19:7

Tapi pura-pura tona nanggita i Yesus hau ri banua i Zakheus, nongua-ngua. “Hm, ledo nabelo i Yesus nesai ri banua ntodosa!”

Lukas 5:30

Naria bara sako-ndua toFarisi ante guru agamara. Ledo nadamba rarara nanggita i Yesus hau ri posusa. Niulikara topangoseaka i Yesus, “Nakuya komiu nangande bo nanginu nosanggani-nggani ante topesingara balasitee bo tona nadosa?”

Suro-Suro 11:3

Niulira, “Nakuya komiu hau ri banua ntona ledo toYahudi? Bo nakuya komiu nangande mpasanggani-nggani nte ira?”

Galatia 2:15

Sampesuvu-sampesuvu, kami toYahudi mami lako ri pompoanaka kami, kami ledo mpo tona ledo toYahudi anu niuli nadosa sabana ledo nioseakara atura agama.

Ibrani 5:2

Pakeni-pakeni nTopanggeni Pesomba aga manusia muni bo nadea kalentera. Haitumo sabana nalusu rarara nantulungi tona nadoyo bo nasalandala.

2 Yohanes 1:10

Jadi, ane makava tona nte komiu mompatolele pepatuduki nosisala ante pepatuduki i Kristus, nee ratarimamiu tona haitu riara banuamiu. Nee rakadambanakamiu ira,