Matius 8:2 - Kaili Ledo

² Tempo haitu nakavamo saito tona nadua oge nantaputu ri ngayo i Yesus, bo nanguli, “Pue, ane madota Komiu, Komiu nompakule mompakabelo yaku.”

Matius 8:2 Iomraidhean Croise

Matius 10:8

Pakabelo tona nadua, pakatuvu mpanjili tona namatemo, pakabelo tona nadua oge, popalai seta-seta anu nesua ri karo ntona. Kuasa haitu nidekei bayangi ka komiu, ledo nialimiu. Jadi dekeimiu bayangi muni ka tona ntanina.

Matius 13:58

Bo sia sampe ledo nadea kabaraka nipovia i Yesus ri sia, apa ledo niparasayara.

Matius 14:33

Bo ana-anaguruNa riara sakaya haitu nantaputu nombasomba Ia. Nanguli ira, “Nakana mpuumo! Komiumo Ana nu Alatala!”

Matius 15:25

Naupu sia, nakavamo mombine haitu nantaputu ri ngayo i Yesus, bo nanguli, “Pue, tulungimo yaku!”

Matius 18:26

Nangepe haitu, nantaputumo tomaoge ri ngayo nu magau nerapi ante mpuu-mpuu rarana, ‘Tua, posabara ntanimo ruru nte yaku. Pura-pura indaku haitu kubayari pakaupu!’

Matius 2:11

Bo nesuamo ira riara nu banua bo nikitara ngana kodi haitu ante tinana i Maria. Bo nantaputumo ira nombasomba Ia. Naupu haitu nibukaramo peti pomboli kakalumanara, bo nidekeira ka Ia pedekei-pedekeira, haitumo bulava, bo rongaya lana dupa nasuli mpuu alina, haitumo kemenyan bo mur.

Matius 20:20

Naliu haitu berei i Zebedeus nakava nte i Yesus niporoa anana randua haitumo i Yakobus bo i Yohanes. Nantaputumo mombine haitu ri ngayo i Yesus sabana naria anu raperapina.

Matius 26:6

Tempo i Yesus ante ana-anaguruNa naria ri ngata Betania ira nesai ri banua ntona nosanga i Simon anu nadua oge bara ipia.

Matius 28:17

Hamai nikitara mpuu Ia bo nantaputu ira mombasomba Ia. Tapi naria sanu nonggai rarara.

Matius 28:9

Sampesani nariamo i Yesus nosintomuka ira bo nanguli, “Tabe.” Ira nanggaparai Ia bo nanggapui kadaNa mombasomba Ia.

Matius 4:9

Bo niulina ka Ia, “Pura-pura haitu kudekei ka Komiu ane Komiu mantaputu mombasomba yaku.”

Matius 8:1

Notuamo i Yesus lako ri bulu, nadea mpuu tona nantuntuni Ia.

Matius 8:25

Hau anaguruNa nombalike Ia bo nanguli, “Pue, tulungimo! Mamatemo kita!”

Matius 9:18

Da notesa i Yesus, nakavamo saito pakeni ri banua petupu ntoYahudi. Nantaputumo ia ri ngayo i Yesus bo nerapi tulungi ante mpuu-mpuu rara. Niulina, “Dako namate anaku mombine. Kamai, kita hau ri banuaku. Tuu paleMiu ri karona ala matuvu mpanjili ia.”

Lukas 4:27

Ivesia muni najadi tempo Nabi Elisa natuvu, nadea toYahudi nadua oge. Tapi ledo naria saitoa toYahudi nipakabelo Nabi Elisa. Aga i Naaman toSiria nipakabelona. Sia sampe niuliKu, ledo ria saitoa nabi nipakaoge ntona ri ngatana mboto!”

Yohanes 9:38

Bo nanguli tona haitu, “Ane ivesia, Pue! Niparasayakumo!” Bo nantaputumo ia mombasomba i Yesus.

Suro-Suro 10:14

Tapi nesana i Petrus, “Ledaku, Pue! Dopa sanggani nikandeku anu nipopali bara anu naruto nantuntuni Atura agama!”

Suro-Suro 10:25

Tempo i Petrus nakava, haumo i Kornelius nantomunaka ia, bo nantaputu ri ngayo i Petrus mombasomba ia.

1 Korintus 14:25

Pura-pura pekirina anu nitabuniakana riara ntaina rapakalanto sampe ia kana mantaputu mombasomba Alatala bo manguli, “Mpuu-mpuu Alatala naria ri tatangamiu ri sii.”

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”