Matius 8:10 - Kaili Ledo

¹⁰ Nangepe tesana haitu, nokumaamo i Yesus, bo niuliNa ka todea anu nantuntuni Ia, “Natantu mpuu pomparasaya ntona hitu! Nau todea toYahudi, muli Israel, dopa ria nikavaKu pomparasaya ntona naroso eva pomparasaya ntona hitu!

Matius 8:10 Iomraidhean Croise

Matius 15:28

Naupu haitu nanguli i Yesus, “Ina, naroso mpuu pomparasayamu! Jadi, kajadimo anu niperapimu tutu!” Bo eva nisuka, tempo haitu muni nabelo mpanjilimo anana mombine haitu.

Matius 8:11

Pariaramo! Tempo bara maipia madea tona ledo toYahudi majadi todea nu Alatala. Ira makava lako ri mpandakena bo mpanauna mosusa madamba-damba ri Poparenta nu Alatala singgani-nggani ante i Abraham, i Ishak bo i Yakub.

Matius 8:9

Nisaniku ia mabelo sabana yaku muni natundu ri parenta nu tuaku. Bo naria muni tantara-tantara natundu nte parentaku. Ane kuuli ka saito tantara, ‘Koimo!’ ia kana hau. Bo ane kuuli ka tantara ntanina, ‘Katumai!’ ia kana tumai. Bo ane kuuli ka batuaku, ‘Povia haitu’, kana rapoviana haitu.”

Markus 6:6

Bo nahera mpuu i Yesus nanggita ira ledo nomparasaya. Naupu haitu haumo i Yesus nompesayoki ngata-ngata ntanina ri bagia haitu, bo nompatolele Tesa nu Alatala.

Lukas 5:20

I Yesus nanggita karoso pomparasayara, jadi niuliNamo, “Sampesuvu, dosamu niampungimo.”

Lukas 7:50

Tapi i Yesus nanguli ka mombine haitu, “Iko nipakasalama sabana iko nomparasaya Yaku. Panjilimo, damo Alatala mompakatinonto raramu!”

Lukas 7:9

Nokumaa mpuu i Yesus nangepe tesa nu balengga ntantara haitu. Jadi neili Ia bo nangulika todea nangoseaka Ia, “Natantu mpuu pomparasaya ntona hitu! Nau todea toYahudi, muli i Israel, dopa ria nikavaKu pomparasayana naroso mpo pomparasaya ntona hitu.”

Suro-Suro 2:7

Nahera bo nokumaa mpuu ira nosimpotesa, “Berimbamo hii? Tona notesa-tesa haitu toGalilea pura!