Matius 6:9 - Kaili Ledo

⁹ Jadi posambaya ivei: Alatala, Tuama kami ri suruga, Aga Komiu masipato rapetupu bo rapakaoge. Komiumo Magau kami.

Matius 6:9 Iomraidhean Croise

Matius 10:29

Natantu nisanimiu tonji rone rombaa nipobalu sampeka doi kodi. Tapi nau ledo noali ri panggita manusia, ledo ria sambaa tonji rone mamate ane ledo dota nTuamamiu Alatala.

Matius 23:9

Bo nee mompakalanga tona ri dunia hitu ante manggasangai ia ‘Tuama’, sabana aga saito masipato rakasangai ‘Tuama’, Iamo Alatala, Tuamamiu ri suruga.

Matius 26:29

Toramo tesaKu hitu. Domo Kuinu sanupa uve anggur sampe makava tempona bara maipia Alatala, TuamaKu, momparenta mpo Magau. Ri Poparenta haitumo pade Kuinu uve anggur nabaru mosanggani-nggani ante komiu.”

Matius 26:42

Naupu haitu, hau vaimo i Yesus saitoNa nosambaya. NiuliNa, “Tata, ane peparajea hitu ledo mamala raala lako nte Yaku, palambamo, damo dotaMiu majadi.”

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Matius 6:14

Ane komiu mombaampungi tona novia sala nte komiu, Alatala Tuamamiu ri suruga, muni mombaampungi komiu.

Matius 6:6

Tapi ane komiu mosambaya, pesuamo riara ntombimiu, upimo vamba, bo posambayamo ka Alatala, Tuamamiu anu ledo nikita. Bo Alatala anu nanggita poviamiu nggalino haitu, mombadekei tambo ka komiu.

Matius 7:11

Nau komiu tona nadosa, nisanimiu nombadekei anu nabelo ka anamiu. Nemopa Alatala, Tuamamiu ri suruga! Natantu Ia muni mombadekei anu nabelo ka isema-sema merapi nte Ia.”

Lukas 15:18

Yaku kana manjili hau nte tuamaku bo kuuli ka ia ivei: Tata, nadosamo yaku ri ngayo nu Alatala bo ri ngayomiu muni.

Lukas 15:21

Pade nanguli ngana haitu ka tuamana, ‘Tata, nadosamo yaku ri ngayo nu Alatala bo ri ngayomiu muni. Domo masipato yaku rareke anamiu.’

Lukas 2:14

“Ratoiyamo Alatala ri suruga! Bo ri dunia, tona nipokonoa nu Alatala manggava katuvua nabelo!”

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Roma 8:15

Nosa Gasa anu nidekei nu Alatala ka kita, ledo manggeni kita majadi batua sampe kita matuvu ante eka rara. Tapi Nosa Gasa haitu nanganggataka kita majadi ana-ana nu Alatala. Ante pekeniaka Nosa Gasa kita mamala mekakai nte Alatala, <>

Galatia 1:1

Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

1 Timotius 6:16

Aga Ia saito-itoNa ledo mamate. Ia natuvu riara reme anu ledo namala rakaparai. Ledo ria saitoa manusia nanggita Ia, apa ledo nipakule nu manusia manggita Ia. Iamo masipato rabila bo Iamo masipato momparenta sampe ri kasae-saena. Amin!

1 Petrus 1:17

Sampesuvu-sampesuvu, komiu nanggasangai Alatala Tuamamiu tempo komiu nosambaya. Jadi komiu kana matuvu mekou nte Ia ane komiu da nonturo mpo topesovo ri dunia hitu. Apa Iamo mombatangara pura-pura tona nangoseaka pokainggura mboto bo Ia ledo nompelenje.

Pompakita 4:11

“O, Alatala, Tupu kami, aga Komiu masipato ratoiya bo rabila kami. Aga Komiumo nakuasa, Komiumo nompajadi pura-pura anu naria. Bo lako ri dotaMiu mboto sampe pura-pura haitu nipajadi bo naria.”

Pompakita 5:12

Bo nodademo ira ante suara namangga ivei: “Ana Bimba anu nipatesi nggaulu, masipato ratesata kuasaNa bo kakalumanaNa, notoNa bo kabarakaNa. Iamo masipato rabila bo ratoiya bo rapakaoge.”