Matius 6:7 - Kaili Ledo

⁷ Bo ane komiu mosambaya, nee mompakandoe posambayamiu bo mombasili-sili tesa eva kabiasa ntona ledo nosisani nte Alatala. Nisarumakara ane posambayara mandoe, Alatala kana mompetalingai ira.

Matius 6:7 Iomraidhean Croise

Matius 18:17

Ane ia ledo madota mantarima tesara, popaisanimo ka todea topomparasaya. Bo ane ledo madota ia mantarima tesa belo lako nte todea haitu, ia kana rarekemiu nasimbayu eva tona ledo nosisani ante Alatala bo eva topesingara balasitee nadaa.

Matius 26:39

Naupu haitu, i Yesus napola haunapa sakide lako nte ira tatalu bo notungga sampe ri tana nosambaya. NiuliNa, “Tata, ane mamala, Kuperapi ala peparajea anu rapambela ka Yaku, nee rapambela ka Yaku. Tapi nee dotaKu majadi, damo aga dotaMiu majadi!”

Matius 26:42

Naupu haitu, hau vaimo i Yesus saitoNa nosambaya. NiuliNa, “Tata, ane peparajea hitu ledo mamala raala lako nte Yaku, palambamo, damo dotaMiu majadi.”

Matius 26:44

Bo sangganipa vai Ia nompalaisi ira bo hau nosambaya katalu-ngganina. PosambayaNa nasimbayu ante posambayaNa pangane.

Matius 6:32

Haitu puramo nielo ntona anu ledo nosisani ante Alatala. Tapi ledo paraluu makini raramiu sabana pura-pura anu niparaluumiu haitu nisani nu Alatala, Tuamamiu ri suruga.

Suro-Suro 19:34

Tapi nisani ntodeapa ia toYahudi, nongaremo ira mpasanggani-nggani, “Nambaso kaoge i Artemis, viata nisombata ntoEfesus!” Aga haitu nisili-silira rojaa kasaena.