Matius 5:8 - Kaili Ledo

⁸ Nabelo mpuumo tona nagasa bo naliangu rarana, sabana iamo manggita Alatala.

Matius 5:8 Iomraidhean Croise

Suro-Suro 15:9

Alatala ledo nompoposisala kita toYahudi ante ira ledo toYahudi. Ia nompakagasa rarara, sabana ira nomparasaya.

1 Korintus 13:12

Anu nikitata sii-sii nasimbayu mpo vayo nu lenje navuyo-vuyo riara pompevayo. Tapi ri tempo makava malanto rakitata mpo tona mosinggita lenje. Sii-sii pangisaniku da nakura, tapi tempo bara maipia malanto kusani pura-pura nuapa, nasimbayu mpo Alatala nangisani pura-pura karoku hitu.

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Titus 1:15

Ane tona nagasa rarana, pura-pura poviana nagasa. Tapi ane tona nadaa pekirina bo ledo nomparasaya Alatala, ledo ria poviana nuapa-nuapa nagasa, sabana pekiri bo rara ntaira nadaa mami.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Yakobus 3:17

Tona naria noto pompekirina anu nopuna lako nte Alatala, iamo tona nagasa rarana, ledo ria pokaingguna nadaa. Ia natuvu nosinggabelo ante tona ntanina bo nalusu rarana. Ia ledo nasombo tapi nasadia nantarima tesa lako nte tona ntanina. Naasi mpuu matana nanggita roana napakasi, bo nadea poviana nabelo. Ia ledo nompelenje, bo nanoa rarana.

Yakobus 4:8

Pekitulungimo nte Alatala bo Alatala mpuu-mpuu mombatulungi komiu. Komiu topovia dosa, tumo movia dosa. Komiu toporompenga pekiri, pakasangumo pekirimiu mangoseaka Alatala.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

Pompakita 22:4

Bo ira manggita lenjeNa mpuu. Bo sangaNa ratulisi ri kirera pura-pura.