Matius 5:3 - Kaili Ledo

³ “Nabelo mpuumo tona nisanina ledo rapakulena mompakasalama karona mboto bo aga nanjarumaka Tupu, sabana iamo najadi todea riara Poparenta nu Alatala.

Matius 5:3 Iomraidhean Croise

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 11:6

Nabelo mpuu tona ledo noura nomparasaya Yaku.”

Matius 13:16

Bo napolamo tesa i Yesus ka anaguruNa, “Tapi ane komiu, Alatala mpuu-mpuu nombadekei belo ka komiu, sabana matamiu nanggita anu nipoviaKu, bo talingamiu nangepe tesaKu.

Matius 19:14

Nanguli i Yesus ka ana-anaguruNa, “Palambakamo ngana-ngana gahitu makava nte Yaku. Nee ratagi ira. Apa aga tona nasimbayu ingguna eva ngana-ngana gahitu masipato majadi todea riara Poparenta nu Alatala.”

Matius 24:46

Mabelo mpuu batua haitu ane tempo madikana manjili lako ri polipana, nipovianamo bago niparasaya ka ia.

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Matius 8:11

Pariaramo! Tempo bara maipia madea tona ledo toYahudi majadi todea nu Alatala. Ira makava lako ri mpandakena bo mpanauna mosusa madamba-damba ri Poparenta nu Alatala singgani-nggani ante i Abraham, i Ishak bo i Yakub.

Markus 10:14

Nanggita haitu naraumo rara i Yesus sampe niulikaNa anaguruNa, <

Lukas 11:28

Tapi nesana i Yesus, “Nakana, tapi nabelopa tona nangepe tesa nu Alatala bo nioseakana.”

Lukas 18:14

Nanguli i Yesus, “Kuuli ka komiu, tempo ira randua nanjili, topesingara balasitee nitarima nu Alatala, tapi toFarisi ledo. Apa, isema-sema nompakaoge karona mboto, kana rapakaede nu Alatala, tapi isema-sema nompakaede rarana, kana rapakaoge nu Alatala.”

Lukas 22:29

Jadi, Kudekei kuasa ka komiu moparenta, masimbayu mpo TuamaKu Alatala nombadekei kuasa ka Yaku momparenta todeaNa.

Lukas 22:30

Jadi komiu muni madamba mangande bo manginu ante Yaku ri PoparentaKu tempo Yaku majadi Magau. Bo komiu monturo ri sapulu randua gadera magau bo momparenta tona lako ri sapulu randua valaa ntoIsrael.”

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Yohanes 20:29

Nanguli i Yesus ka i Tomas, “Iko nomparasaya sabana nikitamu Yaku. Tapi nabelopa tona nomparasaya nau ledo nikitana Yaku.”

Yakobus 1:10

Ane komiu makalumana, kana madamba muni raramiu, sabana Alatala nompakaede raramiu. Apa nisanimiu tona nakalumana nasimbayu mpo sese nggavoko, aga sampalai katuvura.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Pompakita 19:9

Naupu sia, nangulimo malaeka haitu ka yaku, “Tulisimo hitu: Nabelo mpuumo tona nigaga hau ri posusa ponika Ana Bimba.” Bo niulina munimo, “Tesa-tesa hitu lako nte Alatala bo nakana mpuu!”

Pompakita 22:14

Nabelo mpuumo tona notoposi pakeana sampe nagasa, apa iramo rapaloga mangande vua lako ri Kayu Katuvua. Iramo rapaloga mesua riara ngata haitu mangose bobaa.

Pompakita 3:17

Komiu nanguli, ‘Kami hii nakalumanamo, nagana puramo katuvu kami, domo kami paraluu nuapa-nuapa.’ Tapi kakanana ledo nisanimiu katuvumiu mboto! Komiu nelabi napakasi. Katuvumiu aga nipoasi mata ntona. Komiu napakasi mpuu, naburo matamiu, bo novuloamo komiu.