Matius 4:22 - Kaili Ledo

²² Nangepe haitu, kaliu-liu nipalaisiramo sakayara ante tuamara bo hau nioseakaramo i Yesus.

Matius 4:22 Iomraidhean Croise

Matius 10:37

Isema-sema nipotovenapa tina-tuamana pade Yaku, ledo masipato rauli topangoseaka Yaku. Bo tona nipotovenapa anana pade Yaku, ledo muni masipato rauli topangoseaka Yaku.

Matius 4:21

Lako ri situ napolamo i Yesus sampe nikitaNa randuapa tona ntali sampesuvu, haitumo i Yakobus bo i Yohanes, ana-ana i Zebedeus. Tempo haitu ira nompakabelo jalara riara sakaya nosanggani ante tuamara i Zebedeus. I Yesus nompokio ira randua mangoseaka Ia.

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Markus 1:20

Nanggita ira, nanguli i Yesus, <> Nangepe haitu, nipalaisiramo tuamara ranjakaya nosanggani-nggani ante topokarajaana bo hau nioseakaramo i Yesus.

Lukas 14:26

“Isema-sema madota mangoseaka Yaku, kana rapotovenapa Yaku pade tina tuamana, bereina, ana-anana, sampesuvu-sampesuvuna, bo karona mboto. Ane ledo rapotovenapa Yaku pade ira pura-pura, bo nelabipa pade karona mboto, ledo mamala ia majadi topangoseaka Yaku.

Lukas 14:33

Jadi, ivesia muni ante komiu. Dopame komiu majadi topangoseaka Yaku, kana rapekirimiu ntani ruru. Ane ledo masadia komiu mombakabasaka pura-pura anu naria nte komiu, ledo mamala komiu majadi topangoseaka Yaku.”

Lukas 5:11

Naupu nangepe tesa i Yesus, nikeniramo sakaya randua haitu hau ri kabatana. Pade nipalaisira pura-puramo anura bo hau nioseakara i Yesus.

2 Korintus 5:16

Jadi haitumo sabana kami domo nombareke tona bara nabelo bara nadaa nangoseaka pekiri manusia. Bara ipia ivesia mami kami nombareke i Kristus, tapi hitupa domo.