Matius 4:17 - Kaili Ledo

¹⁷ Lako ri tempo haitu nompamulamo i Yesus nompatolele ka tona ivei: “Kajeamo lako ri dosamiu, sabana naparamo tempona Alatala moparenta mpo Magau.”

Matius 4:17 Iomraidhean Croise

Matius 10:7

Koimo bo patolele ka ira ivei: ‘Naparamo tempona Alatala momparenta mpo Magau.’

Matius 11:12

Lako ri pamula nu pokarajaa i Yohanes Topediu sampe sii-sii, Poparenta nu Alatala nieva ntona nadaa bo nasese anu madota mombadagina.

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Matius 13:24

Naria porapa ntanina nitesa i Yesus ka todea haitu ivei: “Poparenta nu Alatala nirapaka tona hau nosavu savua tobelona ri taluana.

Matius 13:47

“Poparenta nu Alatala nirapaka jala ri porapa hitu: Sangu jala bau nitendeaka ntopebau riara ntasi, bo nompengaya lenje bau nesua riarana.

Matius 13:9

Isema-sema naria talingana, pariaramo porapa hitu.”

Matius 25:1

“Tempo Yaku makava mpo Magau, maria tona mainga bo maria tona ntanina malinga nasimbayu nte porapa hitu: Naria sapulu randaa hau mantomunaka boti langgai, simbo nanggeni poindona.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Matius 6:10

Perapi Komiu momparenta ri dunia hitu, bo dotaMiu majadi raturusi ntona ri dunia nasimbayu eva ri suruga.

Matius 9:13

Koi pegurumo batuana tesa nu Alatala anu nanguli ivei: ‘NipokonoKupa maasi matamiu manggita roamiu pade manggeni binata-binata rapesomba ka Yaku.’ Hosea 6:6 Yaku nakava ri dunia ledo mompokio tona anu nanguli karora nanoa, tapi mompokio tona nadosa majea lako ri dosara.”

Lukas 15:10

Ivesia muni malaeka-malaeka nu Alatala. Madamba mpuu rarara ane saito tona najea nokainggu nadaa.”

Lukas 15:7

Ivesia muni ri suruga. Ane saito tona nadaa majea, kadamba nu isi suruga naogepa pade kadamba ka siopulu bo sasio tona nanoa anu ledo paraluu majea.”

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Lukas 3:23

Tempo i Yesus nompamula pokarajaaNa, umuruNa nitasere talupulu mpaemo. Nangoseaka panggava ntodea, Ia ana i Yusuf, Yusuf ana i Eli;

Lukas 5:32

Ivesia muni Yaku. Yaku ledo nakava mompokio tona nanoa, tapi mompokio tona nadosa majea lako ri dosara.”

Lukas 9:2

NituduNa ira hau mompakabelo tona nadua bo mompatolele kareba Poparenta nu Alatala.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Ibrani 6:1

Jadi sampesuvu-sampesuvu, nee kita aga mompekirika pepatuduki agama Kristen pamulana. Tapi aginamo kita meguru pepatuduki kapolana. Nee aga mombasili pepatuduki pamulana, evamo majea lako ri pokainggu nadaa anu ledo ria gunana, bo pepatuduki momparasaya Alatala.