Matius 4:12 - Kaili Ledo

¹² Naupu sia i Yohanes Topediu nitarunggu. Niepe i Yesuspa karebana, nanjilimo Ia hau ri bagia Galilea.

Matius 4:12 Iomraidhean Croise

Matius 11:2

Tempo haitu i Yohanes Topediu nitarunggu. Ri tarunggu niepena lelena mpengaya-ngaya anu nipovia i Kristus. Jadi nituduna bara sako-ndua anaguruna hau mompekutana nte i Yesus ivei:

Matius 14:3

Iveimo tesa kamate i Yohanes Topediu: Bara sakuya kasaena dopame haitu, Magau Herodes nangagosi berei sampesuvuna mboto, haitumo i Herodias, berei i Filipus. I Yohanes Topediu nasaro nangonteaka Magau Herodes nanguli, “Ledo masipato komiu mompoberei eramiu mboto! Pokainggumiu haitu nombaliunaka Atura nu Alatala.” Jadi i Herodes nantudu tona mombasaka i Yohanes bo mombatipunggu ia bo mombasuaraka ia riara ntarunggu.

Markus 1:14

Naliu i Yohanes Topediu nisuaraka riara ntarunggu, haumo i Yesus ri bagia Galilea mompatolele Kareba Belo lako nte Alatala.

Markus 6:17

Magau Herodes nanguli ivesia sabana anu najadi bara ipia nte i Herodias. Magau Herodes nompoberei i Herodias, nau kakanana i Herodias berei i Filipus, tuaka Magau Herodes mboto. Mpendua nggani i Yohanes Topediu nangonteaka Magau Herodes ivei: <> Jadi Magau Herodes nombatudu tona nombasaka i Yohanes, bo nirantera ia bo nisuarakara riara ntarunggu.

Lukas 23:5

Tapi aga nantambaipa pebarusura bo nanguli, “PepatudukiNa nompakapane rara ntodea ri njumangu ngata ri bagia Yudea hitu. Ia nompamula nompatuduki ri bagia Galilea, sampe nakava ri sii munimo.”

Lukas 3:20

Tapi Magau Herodes ledo najea, ia aga nantambai kadaana bo nitarungguna i Yohanes.

Lukas 4:14

Naupu sia i Yesus nikuasai Nosa Gasa bo notinggulimo Ia hau ri bagia Galilea. Tona ri umba-umba ngata hamai notesaki anu nipovia i Yesus.

Lukas 4:31

I Yesus hau ri ngata Kapernaum ri bagia Galilea. Ri sia Ia nompaguru ri banua petupu ri eo penonto.

Yohanes 1:43

Eo kamailena i Yesus nonia hau ri bagia Galilea. Ia nompotomu i Filipus, bo niulikaNa, “Kaimo, oseakamo Yaku.”

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 4:43

Naliu karombongina, haumo i Yesus ri bagia Galilea.

Yohanes 4:54

Haitumo tanda karanduana nipokumaaka nipovia i Yesus tempo Ia nakava ri bagia Galilea lako ri bagia Yudea.