Matius 3:7 - Kaili Ledo

⁷ Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!

Matius 3:7 Iomraidhean Croise

Matius 12:24

Tapi tempo toFarisi nangepe tesa ntodea haitu, nesana ira, “Bai! Kuasa ntona haitu lako nte i Beelzebul, Magau nu Seta. Haitu sampe Ia nakuasa nompopalai seta-seta.”

Matius 12:34

Komiu tano tona nadaa mpuu eva ule! Ledo ntoto nipakulemiu notesa anu nabelo, sabana nadaa mpuu raramiu! Apa tesa nisovadakata aga nangoseaka anu naria riara ntaita.

Matius 15:12

Naupu haitu nakavamo ana-anaguruNa nanggaparai Ia bo nanguli, “Pue, nisaniMiu toFarisi nakodi rarara nangepe tesaMiu pangane?”

Matius 16:1

Naria bara sako-ndua toFarisi bo toSaduki nakava nte i Yesus madota mombaopa tesaNa. Jadi niperapira i Yesus movia tanda nipokumaaka, haitumo tandana Ia mpuu-mpuu niposumba nu Alatala.

Matius 16:6

I Yesus nanguli ka ira, “Pakabelo-belo. Komiu kana mainga nte ragi ntoFarisi bo toSaduki.”

Matius 22:15

Naupu haitu bara sako-ndua toFarisi nasiromu notesaki anu rapoviara ala mamala raopara i Yesus motesa.

Matius 22:23

Eo haitu muni naria bara sako-ndua toSaduki nakava netingu nte i Yesus. ToSaduki nomparasaya tona namate ledo matuvu mpanjili bara maipia.

Matius 22:34

Tempo toFarisi nangepe kareba toSaduki domo nokanano sabana nidagi i Yesus, nasiromumo ira.

Matius 23:33

Komiu tona nadaa bo muli ntona nadaa! Nisarumakamiu komiu ledo rapambela pehuku riara narakaa?

Matius 5:20

Pariaramo tesaKu hitu! Komiu kana matutupa nangoseaka dota nTupu pade guru-guru agama bo toFarisi. Ane ledo, komiu ledo ntoto mamala majadi todea riara Poparenta nu Alatala.”

Markus 12:13

Naupu haitu pakeni-pakeni ntoYahudi haitu nantudu bara sako-ndua toFarisi ante tona nosabingga ka Magau Herodes hau mombaopa tesa i Yesus.

Markus 12:18

Naliu haitu nakavamo bara sako-ndua toSaduki netingu nte i Yesus. Ira toYahudi anu nomparasaya tona namate ledo matuvu mpanjili bara maipia. Jadi nekutanamo ira nte i Yesus,

Markus 8:15

Nangulimo i Yesus ka ira, <>

Lukas 16:14

ToFarisi nangepe pura-pura anu nitesa i Yesus pangane, aga nipongirikara i Yesus sabana ira topompotove doi.

Lukas 18:11

ToFarisi haitu neangga bo nosambaya riara ntaina, ‘Pue, yaku nosukuru nte Komiu sabana yaku hii ledo nasimbayu ante tona ntanina, haitumo topebagiu, tona natenggo rarana, bo tona nobualo. Yaku nosukuru apa yaku ledo nasimbayu ante topesingara balasitee moitu.

Lukas 7:30

Tapi toFarisi ante guru-guru agama ledo nadota nantarima nia nu Alatala ka ira. Ira ledo nadota radiu i Yohanes.

Yohanes 1:24

Ira bara sako-ndua haitu anu nitudu ntoFarisi.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Yohanes 9:40

Naria bara sako-ndua toFarisi neangga ri sia bo niepera i Yesus nanguli ivesia, nekutanamo ira, “NisarumakaMu kami hii naburo muni?”

Suro-Suro 15:5

Tapi bara sako-ndua toFarisi anu nomparasaya i Yesus neangga bo nanguli, “Ane tona ledo toYahudi nomparasaya i Yesus, ira kana rasuna bo rapatuduki mangoseaka Atura-atura nidekei Nabi Musa ka kita.”

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

Suro-Suro 26:5

Nasaemo nisanira yaku. Ane rapodotara, ira mboto mamala majadi sabi katuvuku hitu. Nompamula lako ri pantepuuna, nioseakaku pepatuduki ntoFarisi, anu mpuu-mpuu natutu nangoseaka pura-pura atura agama kami ntoYahudi.

Suro-Suro 5:17

Kaupuna Pakeni nTopanggeni Pesomba ante roa-roana anu nangoseaka pepatuduki ntoSaduki, nasiriatimo nanggita kadea ntona nomparasaya i Yesus. Jadi ira nompamula nompandasa suro-suro i Yesus.

Roma 1:18

Lako ri suruga Alatala nombahuku manusia anu ledo natundu nte Ia bo nokainggu nadaa. Pokainggura nadaa haitu nombalava tona mangisani pepatuduki nakana.

Roma 5:9

Kita najadi nanoa ri panggita nu Alatala sabana raa i Yesus anu namate mombasompo dosata. Jadi, natantumo i Yesus mombakabasaka kita lako ri pehuku nu Alatala anu makava ngena.

1 Tesalonika 1:10

Nitesara muni berimba komiu nanjarumaka kakava i Yesus, Ana nu Alatala lako ri suruga. Ia nipakatuvu nu Alatala mpanjili lako ri kamateNa. Bo Iamo nombakabasaka kita lako ri pehuku nu Alatala anu rapambela ka tona nadosa bara maipia.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

Ibrani 6:18

Pojanji bo posumpaNa haitu ledo mabali. Alatala ledo ntoto nodava. PatujuNa nojanji ivesia ala kita anu nekisaliku nte Ia maroso rarata sampe kita maroo manjarumaka anu nijanjiNa haitu.

1 Yohanes 3:10

Hitumo posisalana ana-ana nu Alatala bo ana-ana Magau nu Seta: isema-sema ledo novia dota nu Alatala bo ledo nompotove sampesuvuna, ia ledo ana nu Alatala.